Шанхай ҳамкорлик ташкилотига аъзо давлатлар хавфсизлик ва барқарорликни сақлаш ва мустаҳкамлашнинг энг муҳим омилларидан бири Афғонистондаги вазиятни тезроқ тартибга солиш деб ҳисоблайди.
Қайд этилишича, улар Афғонистонни терроризм, уруш ва наркотиклардан холи, мустақил, нейтрал, яхлит, демократик ва тинч давлат сифатида барпо этиш тарафдори. Аъзо давлатлар раҳбарлари Афғонистонда афғон жамиятидаги барча этник, диний ва сиёсий гуруҳлар вакилларини ўз ичига олган инклюзив ҳукуматни барпо этиш зарурлигини таъкидлади.
Шунингдек, минтақавий ва қўшни давлатлар томонидан Афғонистонга кўрсатилаётган кўп йиллик меҳмондўстлик ва афғон қочқинларига самарали ёрдам кўрсатиш муҳимлигини таъкидланиб, уларнинг ўз ватанларига муносиб, хавфсиз ва барқарор қайтишига кўмаклашиш бўйича халқаро ҳамжамиятнинг фаол саъй-ҳаракатлари муҳим экани қайд этилди.
Ташкилотга аъзо давлатлар Афғонистондаги гуманитар вазиятни ҳисобга олиб, афғон халқига ёрдам кўрсатиш бўйича саъй-ҳаракатларни давом эттиришга келишиб олди.
Изоҳ (0)