Ўзбекистон ташқи ишлар вазири Владимир Норов ва Шанхай ҳамкорлик ташкилоти бош котиби Чжан Мин иштирокида ШҲТ саммити якунлари бўйича брифинг ўтказилди.
Чжан Мин Ўзбекистонга ШҲТ раислигида 80 дан ортиқ тадбирни ташкил этиш борасидаги ишлар учун миннатдорлик билдирди. «Самарқанд саммитининг муваффақиятли ўтиши ШҲТнинг таъсири ва жозибадорлигини кучайтиради», — деди у.
БМТ бош котибининг сиёсий масалалар ва тинчлик ўрнатиш бўйича ўринбосари Розмари ДиКарло Шавкат Мирзиёевни саммит муваффақиятли ўтгани билан табриклади. У ҳамжиҳатлик ва ҳамкорлик руҳи БМТ ва ШҲТ учун йўл-йўриқ бўлишига ишонч билдирди.
«Шанхай ҳамкорлик ташкилотига раислик эстафетасини илк бор ўз зиммасига олган Ҳиндистон бу вазифани муносиб тарзда бажаришига ишонамиз», — деди Чжан Мин. Ўзбекистон эса 2023 йилда ШҲТни ташкил этишда Ҳиндистонга ҳар томонлама ёрдам бериши қайд этилди.
Мавзуга доир: Владимир Норов: «Музокаралар якунлари бўйича рекорд миқдордаги — 40 дан ортиқ ҳужжат қабул қилинди»
Изоҳ (0)