Эрон президенти Иброҳим Раисий Самарқанддаги Шанхай ҳамкорлик ташкилоти саммитида Озарбайжон–Арманистон масаласига тўхталди.
Унинг сўзларига кўра, Кавказ минтақасида тинчлик, барқарорлик ва хавфсизликнинг ўрнатилиши Эрон учун жуда муҳим.
Биз ҳар доим ҳудудий яхлитликни ҳурмат қилиш ва Озарбайжон ва Арманистон ўртасидаги тан олинган чегаралардаги ҳар қандай ўзгаришларни рад этиш зарурлигини таъкидлаб келганмиз. Томонлар ўзаро келишмовчиликларни мулоқот орқали ва халқаро ҳуқуқ асосида тинч йўл билан ҳал қилишлари керак.
Эрон ўз миллий манфаатлари, хавфсизлиги ва минтақани ҳимоя қилар экан, биз икки қўшни давлат ўртасидаги келишмовчиликларни бартараф этишда ёрдам беришга тайёрлигимизни билдирамиз, — дейди президент.
Маълумот учун, Самарқанддаги ШҲТ саммитида иштироки кутилган Никол Пашинян Арманистондаги вазият туфайли бу жараёнда иштирок эта олмади.
Изоҳ (0)