Shanxay hamkorlik tashkilotiga a’zo davlatlar xavfsizlik va barqarorlikni saqlash va mustahkamlashning eng muhim omillaridan biri Afg‘onistondagi vaziyatni tezroq tartibga solish deb hisoblaydi.
Qayd etilishicha, ular Afg‘onistonni terrorizm, urush va narkotiklardan xoli, mustaqil, neytral, yaxlit, demokratik va tinch davlat sifatida barpo etish tarafdori. A’zo davlatlar rahbarlari Afg‘onistonda afg‘on jamiyatidagi barcha etnik, diniy va siyosiy guruhlar vakillarini o‘z ichiga olgan inklyuziv hukumatni barpo etish zarurligini ta’kidladi.
Shuningdek, mintaqaviy va qo‘shni davlatlar tomonidan Afg‘onistonga ko‘rsatilayotgan ko‘p yillik mehmondo‘stlik va afg‘on qochqinlariga samarali yordam ko‘rsatish muhimligini ta’kidlanib, ularning o‘z vatanlariga munosib, xavfsiz va barqaror qaytishiga ko‘maklashish bo‘yicha xalqaro hamjamiyatning faol sa’y-harakatlari muhim ekani qayd etildi.
Tashkilotga a’zo davlatlar Afg‘onistondagi gumanitar vaziyatni hisobga olib, afg‘on xalqiga yordam ko‘rsatish bo‘yicha sa’y-harakatlarni davom ettirishga kelishib oldi.
Izoh (0)