Покистон бош вазири Шаҳбоз Шариф ШҲТнинг Самарқанд саммитида халқаро ҳамжамиятни Афғонистоннинг мамлакат иқтисодиётини мустаҳкамлаш ва барқарорликни таъминлашга қаратилган чора-тадбирларни амалга ошириш учун музлатилган активлардан фойдалана олишини таъминлаш бўйича саъй-ҳаракатларини қўллаб-қувватлашга чақирди.
«Ҳудудларимизда Афғонистондаги вазиятни ҳисобга олган ҳолда, узоқ муддатли тинчликни таъминлашга қаратилган ечимни биргаликда топсак, минтақамиз давлатлари тинчликда яшайди, тараққиётга эришади ва ўз ривожланиш механизмлари билан бўлишади.Биз Афғонистоннинг ўз халқи учун муносиб ҳаётни таъминлаш йўлида таълим, соғлиқни сақлаш, иқтисодиёт ва бошқа соҳаларда олиб бораётган барча ижобий ташаббусларини биргаликда қўллаб-қувватлашимиз керак. Афғонистон муаммоларига эътиборсизлик катта хато бўлади.
Терроризмга қарши курашиш ва хавфсизликни таъминлаш борасида Афғонистонни мустаҳкамлаш нафақат бу мамлакат, балки бутун дунё учун ижобий бурилиш бўлади.
Афғонистон терроризм қурбони ҳисобланади», — дейди Шаҳбоз Шариф.
Изоҳ (0)