Бугун,

  • USD 10940.05
  • RUB 182.26
  • EUR 11121.65

Жума, 26 август куни Европанинг иккита асосий бозорида электр энергияси нархи 25 фоизга ошди. Бу ҳақда Bloomberg хабар бермоқда.

Фото: Bloomberg

Фото: Bloomberg

Германия ва Францияда келаси йил учун электр энергияси деярли ҳар куни деярли рекорд ўрнатмоқда. Бунга Россия табиий газ таъминотини чеклаётгани сабаб бўлмоқда.

Европа Иттифоқи бутун блок миқёсида ечимларни муҳокама қилиш учун энергетика вазирларининг фавқулодда йиғилишини чақириши керак. Ўсиш инфляцияни кучайтирмоқда ҳамда бутун қитъадаги уй хўжаликлари ва корхоналар молиясига таҳдид солмоқда, — дейди Bloomberg.

Чехия бош вазири Петр Фиала бозордаги носозлик туфайли нархлар ҳеч ким кўтара олмайдиган даражадалигини таъкидлади.

Бутун Европада ҳукуматлар энергиядан фойдаланишни чеклаш бўйича кескин қадам ташлашни бошлади.

Буюк Британияда харажатлар чеклови бекор қилинганидан кейин октябрь ойида уй хўжаликлари тўловлари кўтарила бошлайди. Кўтарилган нархлар миллионлаб одамларни истеъмолни чеклашга мажбур қилади.

26 август куни Европа энергия биржасида француз йил олди шартномаси 25 фоизга ошиб, мегаватт соатига 1 130 еврогача қимматлади.

Немис эквиваленти ҳам рекорд даражага етди, бу ҳафтада 33 фоизга кўтарилиб, мегаватт-соатига 995 евро бўлди. Нефть бозори нуқтаи назаридан, бу баррель учун 1 600 доллардан кўпроққа тенг.

Ўсиш Европа табиий газ фьючерслари кетма-кет олтинчи ҳафтада кўтарилган пайтда содир бўлди.

Аввалроқ Европа энергия инқирозини юмшатиш учун бир йилда тахминан 280 млрд евро ажратган эди.

Изоҳ
Асосий янгиликлар