Прогнозлаштириш ва макроиқтисодий тадқиқотлар институти (PMTI) мутахассислари жаҳон ва Ўзбекистондаги ҳозирги озиқ-овқат инфляциясини таҳлил қилди.
Айни пайтда жаҳон озиқ-овқат бозори анча беқарор. Дунё бўйича озиқ-овқат маҳсулотлари нархининг бирданига кўтарилиши 2020 йилнинг май ойида коронавирус пандемияси бошланган пайтга тўғри келди ва ҳозирда ҳам нархлар анча юқорилигича қолмоқда.
БМТнинг Озиқ-овқат ва қишлоқ хўжалиги ташкилоти (FAO) маълумотларига кўра, 2022 йилнинг март ойида озиқ-овқат маҳсулотлари нархи 1990 йилдан кейинги энг юқори даражага кўтарилган.
FAO озиқ-овқат нархлари ўртача индексининг кескин тушиши қайд этилди. У 140,9 пунктни ташкил этди.
Бу эса июнь ойидаги кўрсаткичдан 8,6 фоиз паст. Бироқ, у ҳамон январь ойидаги кўрсаткичдан 3,9 фоиз, бир йил аввалги кўрсаткичдан эса 13,1 фоиз юқорилигича қолмоқда.
2022 йилнинг июль ойида озиқ-овқат товарлари истеъмол нархлари индексининг ўсиши 2021 йилнинг декабрь ойидагига нисбатан 107,7 фоизни ташкил қилди.
Мавзуга доир: Буғдой арзонлади, газ қимматламоқда: Украинадаги уруш олти ой ичида глобал нархларга қанчалик таъсир қилди?
Нархларнинг ўсишига қарамасдан, минтақадаги бошқа кўплаб мамлакатлардан фарқли ўлароқ, кўрилган чора-тадбирлар туфайли Ўзбекистон озиқ-овқат инфляциясини 10 фоиздан пастроқ даражада ушлаб туришга муваффақ бўлди.
2022 йил сўнгига қадар уй паррандаси гўшти, буғдой уни, ғалла ва ўсимлик ёғини олиб кириш учун нол ставкали божхона божи белгиланди.
Ўзбекистон аҳолисининг алоҳида турдаги озиқ-овқат товарларига бўлган эҳтиёжини таъминлаш мақсадида 2022 йилнинг 1 майидан 2023 йилнинг 1 январигача 22 турдаги истеъмол ва озиқ-овқат товарлари, жумладан балиқ, сут маҳсулотлари, банан, цитрус мевалар, қаҳва, сариёғ, тухум ва бошқаларни олиб кириш учун нол ставкали божхона божи белгиланди.
Озиқ-овқат маҳсулотлари импортининг ривожланиши Ўзбекистонда озиқ-овқатдан фойдаланиш ва уларнинг хилма-хиллиги учун қўшимча рағбатни таъминлаяпти.
2022 йилнинг январь—июнь ойларида озиқ-овқат товарлари импорти 1,6 млрд долларни ташкил қилди. Бу 2021 йилнинг шу давридагига нисбатан 35,8 фоизга кўп дегани.
Аввалроқ озиқ-овқат инфляцияси ривожланаётган мамлакатларга жиддий таъсир ўтказаётгани ҳақида хабар берилган эди.
Изоҳ (0)