Автомобильларнинг иқлимга салбий таъсири хавфини камайтириш бўйича чора-тадбирларни ишлаб чиқишнинг долзарблиги ҳам минтақавий, ҳам глобал даражада ошмоқда.
Сўнгги ўн йилликда фаол амалга оширила бошланган электромобилларга ўтиш бўйича кўрилган чора-тадбирлар натижалари электр транспорт воситаларининг янги бозори анча муваффақиятли ривожланмоқда деган хулосага келишга имкон беради.
Жаҳон бозорида 2012—2021 йилларда электр транспорт воситаларини сотилиши 50 баравардан ошди, бунинг натижасида автомобиль бозорининг умумий таркибидаги ушбу сегментнинг улуши 0,2 фоиздан 8,3 фоизгача ўсди.
Фақатгина сўнгги беш йил ичида барча турдаги электр транспорт воситаларининг умумий савдоси 1,27 миллион донадан 6,75 миллион донагача яъни 5,3 марта ошди.
Электромобильларнинг глобал савдоси динамикаси, миллион:
Халқаро энергетика агентлигининг (XEА) 2020 йилда электр транспорт воситаларига бўлган талаб кузатилиши тўғрисидаги маълумотларига кўра, автомобилларга бўлган талаб ва таклифнинг пасайиши билан солиштирганда барқарорроқ бўлган.
Бундан ташқари, аккумулаторли электр транспорт воситаларига бўлган талаб гибрид электр транспорт воситаларига бўлган талаб динамикасини ортда қолдирди.
Электромобильларга бўлган глобал талаб
Савдо таркибидаги устун нисбатларнинг таҳлили шуни кўрсатдики, сўнгги уч йил ичида аккумулаторли электр транспорт воситаларининг улуши 2015 йилгача бўлган даврда ўртача 60 фоизга нисбатан 72 фоиздан ошди.
Бу омил анъанавий автомобиллардан электромобилларга ўтиш даврининг сезиларли даражада қисқарганлигини кўрсатади.
Жаҳондаги барча турдаги электр транспорт воситалари савдосининг тахминан 90 фоизи Хитой, Европа ва АҚШга тўғри келади.
2015 йилдан буён Хитой электр транспорт воситаларини сотиш бўйича жаҳон рейтингида биринчи ўринни эгаллаб турибди, бу умумий ҳажмнинг ярмидан кўпини (51 фоиз) ташкил қилади.
2021 йилда Хитойда электромобиллар сотуви қарийб уч баравар кўпайиб, 1,2 миллион донадан 3,4 миллионга этиб, бутун жаҳон бўйлаб савдо ўсишининг асосий омили бўлди.
2021 йил якунларига кўра, Европа бозори электромобилларининг иккинчи йирик бозори бўлиб қолди, бу жаҳон электромобиль савдосининг 34 фоизини ташкил этди. АҚШнинг улуши сўнгги беш йил ичида ўртача 13—14 фоизни ташкил этди ва 2021 йилда бу кўрсаткич 10,5 фоизни ташкил этди.
Етакчи давлатлар ва минтақалар бўйича электромобилларнинг глобал савдоси таркиби, миллион:
Шу билан бирга, АҚШда электромобиллар савдоси сўнгги йилларда биринчи марта ярим миллиондан ошиб, 720 минг донадан ортиқни ташкил қилди ва жаҳон электромобиллар савдоси таркибида учинчи ўринни эгаллади. Бошқа мамлакатлар ва минтақаларнинг улуши 4,5 фоиздан ошмайди.
Мамлакатлар ва минтақалар орасида деярли барча Европа мамлакатларида электромобиллар бозорининг ўсиш кўрсаткичлари диққатга сазовордир.
Бу уларнинг электр транспорт воситаларига ўтиш орқали иссиқхона газлари чиқиндиларини камайтириш мақсадларига эришиш истаги билан боғлиқ.
2020 йил рейтингига кўра, Европанинг аксарият давлатлари янги енгил автомобиллар сотувида электромобиллар улушини 10 фоиздан анча оширишга муваффақ бўлди.
Бундан ташқари, аввалги йилларда бўлгани каби, Норвегия Европа мамлакатлари гуруҳида сезиларли даражада ажралиб, электр транспорт воситаларининг 75 фоиз улушига эришди.
Биринчи бешликка Исландия, Швесия, Нидерландия ва Финляндия каби давлатлар ҳам кирди. Уларда янги автомобиллар сотувида тармоққа уланадиган электромобилларнинг улуши 18—45 фоизгача ошган.
2020 йилда енгил автомобиллар сотувида электромобилларнинг улуши, мамлакатлар бўйича сотувлар:
Франция ва Германияда бу кўрсаткич 11,3 фоиз ва 13,5 фоизни ташкил этди, бу ҳам ушбу мамлакатларда мазкур бозор сегменти ривожланишининг юқори динамикасини кўрсатади.
Хитойда янги автомобиллар савдосидаги электромобилларнинг улуши 6,2 фоизни ташкил этди, бу Европа давлатлари ўртача кўрсаткичидан бироз пастроқ. АҚШда бу кўрсаткич ундан ҳам паст — 2,3 фоизни ташкил этди.
2020 йилда янги енгил автомобиллар сотувида электромобилларнинг улуши, мамлакатлар бўйича сотувлар:
Бироқ бозор ўлчамларини мутлақ кўрсаткичларда таққослаганда Хитой ва АҚШ электр транспорт воситаларининг энг йирик истеъмолчилари бўлиб, ички бозорларда сотувлар Европа мамлакатларига қараганда анча юқори.
Жаҳонда электромобиллар сотуви
Хитой автомобиль ишлаб чиқарувчилар ассосиацияси маълумотларига кўра, 2020 йилда аккумулаторли электр транспорт воситалари ва гибридлари сотуви 1,25 миллион донани ташкил этди.
Таққослаш учун, Хитойда сотилган электромобиллар сони савдо кўрсаткичларидан ошиб кетди, масалан, Германиядан — 3 баравардан ортиқ (395 минг дона), Франция ва Норвегиядан биргаликда олганда — 4,2 марта (291 минг дона).
2020 йилда электромобилларни сотиш ҳажми, минг дона:
Ушбу нисбатлар Хитой электромобиллар бозорининг бошқа мамлакатлар билан солиштирганда мутлақ маънода жуда катта эканлигини кўрсатади. Хитой сўнгги йилларда доимий равишда энг йирик бозорларга эга мамлакатлар орасида биринчи ўринни эгаллади.
Бу электромобилларини ишлаб чиқаришни қувватлаш сиёсати ва стратегиясини муваффақиятли амалга оширилиши билан боғлиқ.
Иккинчи ўрин Германияга, учинчи ўринни эса АҚШ эгаллаб турибди. Масалан, Норвегия янги енгил автомобиллар сотувида электромобилларнинг энг юқори 75 фоиз улушини кўрсатаётганига қарамай, унда бозорнинг сиғими Хитой, Германия ва АҚШга қараганда анча паст.
Масалан, АҚШда сотилган электромобиллар сони 328 минг донагача ошган, бу Норвегиядагидан 3,1 баравар, Франциядагидан эса 1,8 баробар кўпдир.
Европа мамлакатлари орасида электромобиллар бозори ривожланишининг энг юқори динамикаси Германияга хос бўлиб, унда 2020 йил 394 минг донадан ортиқ сотилган.
Бу Франция ва Буюк Британиядагидан 2,1 баравар, Норвегиядагидан 3,7 баравар кўпдир. Аммо Хитой билан таққосланадиган бўлса, дунёнинг деярли ҳеч бир давлати Хитойнинг электр автомобиль бозори ҳажмига тенглаша олмайди.
Ўзбекистонда икки йилда электромобиль импорти қарийб 20 баробар ошди
Электромобиль импорти 2021 йилнинг мос даврига нисбатан 901 тага ёки 3,2 баробарга ошган. 2020 йилнинг дастлабки етти ойида Ўзбекистонга атиги 68 дона электромобиль келтирилган эди. Икки йилда импорт 19,3 баробарга кўпайди.
Жорий йил июль ойининг ўзида бу кўрсаткич 189 тани ташил қилди. Етти ой ичида 10 та хорижий давлатдан қиймати 40,1 млн долларга тенг бўлган электромобиль импорт қилинган.
2018—2021 йилларда Ўзбекистонда умумий автомобиль савдосидаги электр транспорт воситаларининг улуши:
Ўзбекистонга энг кўп электромобиль етказиб берган давлатлар орасида Хитой доимгидек етакчилик қилмоқда. Январь—июль ойларида ушбу давлатдан 1 155 та электромобиль келтирилган.
Иккинчи ўринни БАА (81) эгаллаган бўлса, бу борада учинчи этиб Германия (29) кўрсатилган.
Бир йилда Ўзбекистоннинг электромобиль импорти қандай ўзгарди?
Ўзбекистонда 2022 йилнинг январь—июль ойларида 1 314 та электромобиль импорт қилинган.
Ўзбекистонга энг кўп электромобиль етказиб берган давлатлар орасида Хитой доимгидек етакчилик қилмоқда.
2021 йилда Ўзбекистонда электромобиллар импортининг географик таркиби:
Январь—июль ойларида ушбу давлатдан 1 155 та электромобиль келтирилган. Ўтган йилнинг шу даврида бу кўрсаткич 388 тага тенг бўлган.
Мамлакатлар кесимида энг катта ўсиш БААда кузатилган. 2021 йилнинг дастлабки 7 ойида ундан 1 дона электромобиль олиб келинган бўлса, бугунги кунга келиб уларнинг сони 81 тага етди.
Бу йил бошидан бери Ўзбекистон Германиядан 29 та электромобиль импорт қилган бўлса, ўтган йилнинг шу даврида бу кўрсаткич 4 тага тенг бўлган.
Гонконг билан ҳам шунга ўхшаш вазият қайд этилган — 2021 йилда мамлакатдан 1 та электромобиль олиб келинган бўлса, жорий йилда эса уларнинг сони 29 тага етди.
Марказий Осиёда вазият қандай?
Электромобиль бозорнинг ривожланиш динамикаси жаҳон ўртача кўрсаткичидан анча паст бўлса-да, жаҳон тенденцияларига мувофиқ Марказий Осиё мамлакатларида электромобилларни илгари суриш бўйича фаолроқ жараён кузатилмоқда.
Ўзбекистон ва Қозоғистон технологик жиҳатдан орқада қолишни олдини олиш ва яшил ривожланиш мақсадларига эришиш учун электромобиллар бозорини ривожлантириш устуворлигини илгари сурмоқда.
Таҳлиллар шуни кўрсатдики, сўнгги уч йил ичида Ўзбекистонда импорт ҳажмининг ошиши натижасида янги автомобилларнинг умумий савдосида электр транспорт воситаларининг улуши 2018 йилда 0,006 фоиздан 2021 йилда 0,35 фоизгача ошди.
2018—2021 йилларда Ўзбекистонда импорт қилинадиган электромобилларнинг умумий автомобиллар импортидаги улуши:
Қозоғистонда 2020 йилда рўйхатга олинган электромобиллар сони 550 тани ташкил қилди.
Рўйхатга олинган автомобилларнинг умумий сонида электромобилларнинг улуши 0,013 фоиздан ошмади.
Электромобильлар бозори ҳажмини мутлақ кўринишда солиштирадиган бўлсак, Ўзбекистонда 2021 йилда электромобиллар сони Қозоғистонга нисбатан 40—45 фоизга кўп бўлган бўлса-да, 2019 йилда вазият бунинг акси бўлган эди.
Автомобильларнинг иқлимга таъсири
Транспорт сектори чиқиндилари бўйича Ўзбекистон Қозоғистон ва Туркманистондан кейин учинчи ўринда туради.
Марказий Осиё мамлакатлари транспорт сектори чиқиндилари:
Шу билан бирга, ялпи ички маҳсулот бирлигига тўғри келадиган CO2 чиқиндиларининг жами интенсивлиги бўйича Ўзбекистон, МДҲнинг аксарият давлатлари сингари, CO2 эмиссияси юқори даражада бўлган давлатлар тоифасига киритилган.
Глобал миқёсда автотранспорт воситаларининг янги энергия манбаларига технологик ўтиши ёқилғи ёниши натижасида атмосферага чиқариладиган умумий чиқиндиларнинг ўсиш суръатининг секинлашишига ёрдам берди.
Бироқ 2010—2020 йилларда дунё миқёсидаги чиқиндилар 9—10 фоизга ошди.
Шу муносабат билан жаҳон тараққиётининг асосий иқлим мақсади эмиссияларни нолга тенглаштириш, шу жумладан транспорт соҳасини технологик трансформасия қилиш орқали эришишдир.
Электромобиль бозорининг истиқболи
Ўн йилликда савдонинг тез ўсишидан сўнг, жами электромобиллар парки 10 миллиондан ошади, бу глобал автомобиль паркининг 1 фоизини ташкил қилади.
2020 йилда дунёда рекорд даражадаги — 3 миллиондан ортиқ янги электромобиллар рўйхатга олинди, келгусида яна ўсиш тенденцияси кутилмоқда.
Халқаро энергетика агентлигининг прогнозларига кўра, ўн йиллик охири — 2030 йилга келиб электромобиллар сони камида 145 миллионга ортади.
Агар соҳа ҳукуматлар томонидан қўллаб-қувватланса, 2030 йилга бориб дунёдаги электр транспорт воситалари сони 230 миллионга этиши мумкин.
Европа Иттифоқининг ЭУ Греен Деал экологик режасига кўра, Европа 2035 йилга бориб бутунлай "тоза" автомобилларга ўтиши керак.
Европа давлатлари транспорт воситалари учун янада қаттиқроқ, ички ёнув двигателлари бўлган автомобилларни тўлиқ тақиқлашгача, экологик стандартларга амал қилади.
Мисол учун, Германия ҳукумати 2030 йилга келиб электромобилларга бўлган талабни 15 миллионга етказишни мақсад қилган, бунинг учун 1 миллионгача зарядлаш станцияларини ишга тушириш керак бўлади.
Ички ёнув двигателлари бўлган автомобиллардан фойдаланишни тўлиқ тақиқлаш орқали автотранспорт воситаларидан фойдаланишдан нол чиқиндиларга эришиш мақсадлари 2025 йилдан (Норвегия) 2030—2040 йилгача (Германия) вақт оралиғида ўзгариб туради.
Тахминларга кўра, Хитой ва Ҳиндистон катта режалар қурмоқда, уларда ички ёнув двигателлари бўлган автомобилларни сотиб олишни тақиқлаш ва фақат гибрид ёки электромобилларни сотиб олиш имкониятини сақлаб қолиш муддати 2030 йилгача белгиланган.
Прогнозларга кўра, Хитойда электромобиллар 2030 йилга келиб автомобиль бозорининг 40 фоизини ташкил қилади. АҚШда электр ва гибрид электр транспорт воситаларининг улуши 2030 йилга бориб 50 фоизгача ошади.
Умуман олганда, ўн йилликнинг охирига келиб, бутун дунё бўйлаб автомобиль сотиш бозорида электромобилларнинг улуши 30-40 фоизга, 2040 йилга келиб эса камида 50 фоизга етиши мумкин.
Мақолани тайёрлашда Прогнозлаштириш ва макроиқтисодий тадқиқотлар институти маълумотларидан фойдаланилди
Изоҳ (0)