Ҳиндистон ҳукумати гуруч экспортини чекламоқчи, чунки мамлакатда ички танқислик юзага келмоқда. Бу ҳақда Bloomberg хабар берди.
Маълумотларга кўра, мамлакат расмийлари майдаланган гуруч экспортини чеклаш имкониятини кўриб чиқмоқда. Бу Ҳиндистон экспортининг қарийб 20 фоизини ташкил қилади.
Агентликка кўра, Ҳиндистон экспорти дунё гуруч савдосининг 40 фоизини ташкил қилади.
Чекловларга мамлакатнинг айрим ҳудудларида ёмғир ёғмаслиги сабабли ҳосилнинг 8 фоизга қисқариши сабаб бўлган.
Мавзуга доир: Глобал таъминотга босим: Ҳиндистонда гуруч ҳосили хавф остида
Мамлакат аллақачон буғдой ва гуруч экспортини чеклаб, глобал бозорлардаги озиқ-овқат нархларига салбий таъсир кўрсатган эди.
Шу билан бирга, Ҳиндистоннинг ушбу потенциал қарори жаҳон бозорларига озиқ-овқат ва ўғит етказиб бериш билан боғлиқ муаммолар туфайли юзага келган озиқ-овқат инқирозини янада кучайтириши мумкин.
Украинадаги вазият ҳамда АҚШ ва ЕИ томонидан Россияга нисбатан жорий қилинган кенг кўламли санкциялар дон етказиб беришда узилишларга олиб келди, бу эса бир қатор мамлакатларда озиқ-овқат инқирози хавфини оширмоқда.
Йил бошидан буён буғдой ва маккажўхорининг жаҳон нархлари сезиларли даражада ошди.
Аввалроқ ўғит нархларининг баландлиги сабаб Осиёда гуруч ҳосили хавф остидалиги ҳақида хабар берилганди.
Изоҳ (0)