Европа Иттифоқига кирувчи муҳожирлар сони кескин камайиб бораётгани сабабли Буюк Британияга ишлаш учун кўчиб ўтаётган европалик бўлмаганлар сони ортиб бормоқда. Бу ҳақда Financial Times хабар берди.
Нашрнинг маълум қилишича, Буюк Британияда вақтинчалик иш визалари 29 мингтага кўпайиб, 72,5 мингтага етган. Бу турдаги визаларни энг кўп олиш бўйича Украина етакчилик қилмоқда — 14,1 мингта.
Бундан ташқари, Россия ва Украина ўртасида уруш бошлангандан бери Ўзбекистон ва бошқа Марказий Осиё давлатларининг фуқаролари вақтинчалик ишлаш учун кўпроқ виза олмоқда.
Буюк Британияда жорий йилда июнь ойигача бўлган даврда рекорд даражадаги 1,1 млн визалар берилган. Булар орасида ишчилар, талабалар ва уларнинг оила аъзолари ҳам бор.
Аввалроқ Буюк Британияда ишчилар етишмаслиги сабаб озиқ-овқатлар исроф бўлаётгани, буни бартараф этиш учун Ўзбекистондан ҳам одамлар жалб қилингани ҳақида хабар берилган эди.
Британияда йилнинг биринчи ярмида 71,2 миллион евродан ортиқ озиқ-овқат ишчи кучи етишмаслиги сабабли исроф бўлган.
Изоҳ (1)
Salom bu viza qay tartibda olinadi rasmiy internet sayti bormi