«Қонунга зид иш қилмадим». Финляндия бош вазири ўзи иштирок этган зиёфатдан тарқалган видеони изоҳлади (видео)

Финляндия бош вазири Санна Марин иштирокида тарқалган видео можарога сабаб бўлди.

Видеода Санна Марин зиёфатда рақс тушаётгани акс этган. Бош вазирнинг ўзи бу видеони қуйидагича изоҳлади:

«Давлат ишидаги мансабдорлар ҳам оддий одам. Улар ишдан бўш вақтларида дўстлари, яқинлари билан кўнгилхушлик қилишлари мумкин. Бу зиёфатда мен гиёҳванд моддалар истеъмол қилмадим. Фақат спиртли ичимлик ичганман. Тўғри, рақсга тушдим, қўшиқ айтдим, завқландим, фақат қонун доирасидаги ишларни қилдим.

Атрофимдаги бошқаларнинг ҳам гиёҳванд моддалар истеъмол қилганини кўрмадим», — деган Финляндия бош вазири.

Аввалроқ Финляндия бош вазири ҳукумат раҳбари институтининг «кўламини кенгайтирмоқчи» эканини айтганди.