Қримда ёнаётган ҳарбий омборлар, Донбассда фронт чизиғидаги аёл ҳарбий хизматчилар, урушдан бехабар бўлган қария. Урушнинг 174-кунидан фоторепортаж
16 август куни Қрим шимолидаги ўқ-дорилар омборида кетма-кет портлашлар содир бўлди. Электр станцияси, темир йўл, шунингдек, бир қатор турар жойлар зарар кўрди. Россия Мудофаа вазирлиги диверсия (қўпорувчилик) ҳақида маълум қилмоқда, Украина президенти офиси раҳбари маслаҳатчиси Михаил Подоляк эса бундай «диверсиялар» сони фақат ўсиб боришини айтиб жавоб қилди. Украинада мактаб дастуридан рус тили ва рус адабиёти олиб ташланди, тарих бўйича курсга эса «рашизм» тушунчаси киритилди. Финляндия сентябрда россияликлар учун сайёҳлик визаларини ҳозирги даражадан ўн баравар камайтирмоқчи. Латвия ҳукмрон коалицияси эса мамлакатда россияликлар учун берилган истиқомат учун гувоҳномалар камдан-кам ҳолатлардагина узайтирилиши ҳақида келишиб олди. Meduza урушнинг 174-кунига оид асосий фотосуратлар билан бўлишди.
Куннинг асосий воқеаси. Қримда ёнаётган омборлар
Қримнинг Жанкой туманидаги Майское аҳоли пункти яқинида жойлашган ҳарбий омборлар ҳудудидаги ёнғиндан чиқаётган тутун. Портлашлар эрталаб олтиларда бошланиб, бир неча соат давом этдиФото: «ТАСС»
Россиялик ҳарбийлар, полициячилар ва ФВВ ходимлари Азовское қишлоғида (у Майское қишлоғига ёндош). Ўша куни, 16 августда, Жанкойда трансформатор қуйи станцияси ёниб кетдиФото: «ТАСС»
Азовское қишлоғидан болалар автобусларда эвакуация қилинмоқда. Маҳаллий ҳукумат ҳарбий омборлар ҳудудидаги портлашлардан кейин маҳаллий аҳолини эвакуация қилишга қарор қилди. Одамлар беш километрлик ҳудудга олиб кетилиб, қўшни қишлоқлардаги мактабларга жойлаштирилмоқда, деди Қрим раҳбари Сергей Аксенов. Жами уч минг киши эвакуация қилинганФото: «ТАСС»
Донбасс шимоли
Донбасс, Удачное станцияси. Қизча уни Ғарбий Украинага олиб кетаётган эвакуация поездидан мўраламоқда. Украина ҳукумати июль охиридаёқ Донецк вилоятидан мажбурий эвакуация ҳақида эълон қилганди. Минтақанинг Украина назорати остидаги қисмида газ қувурлари вайрон бўлган, шунинг учун у ерларда қиш мавзумида иситиш тизими ишламайдиФото: AFP
Украина армияси капитани Светлана (чапда) ва кўнгилли Ирина (ўнгда) Донбасс яқинидаги фронт чизиғида. Украина қуролли кучларида 50 мингдан ортиқ аёллар хизмат қилади, шуларнинг беш мингдан кўпи — олдинги фронтдаФото: Anadolu Agency
Украина аскарлари, катта эҳтимол билан, ўлжа қилиб олинган БТРда Донбассда, Бахмут яқинида кетмоқда. 16 август куни Россия қўшинлари Бахмутга ҳужумни давом эттирдиФото: Reuters
Эркак Славянскда зарбалардан зарар кўрган уйда гулчелак ёрдамида оловни ўчиришга уринмоқда. Шаҳар мэри Вадим Лях тасдиқлашича, 16 августга ўтар кечаси Славянск ўққа тутилган — бир нечта микротуманлар ва педуниверситет ётоқхонасига зарар етган. Қурбонлар ҳақида хабар берилмаяптиФото: Anadolu Agency
Эркак Краматорскда вайрон бўлган ҳовли-жой олдида чўккалаб ўтирибди. Тунги ҳужум чоғида бир нечта уйлар вайрон бўлган. Бироқ Краматорск мэри Александр Гончаренко маълум қилишича, қурбонлар йўқФото: Anadolu Agency
Аёл Краматорскда вайрон бўлган уйлар ёнида итини сайр қилдирмоқдаФото: AP Photo
96 ёшли Мария Ткаченко Бахмут яқинида ўз уйидаги каравотда ётибди. Унинг уйидан фронт чизиғигача бўлган масофа — 20 км. Унинг невараси сўзларига кўра, Мария уруш ҳақида ҳеч нарса билмайди — қариндошлари унга ҳарбийлар машқлар олиб борилаётганини айтадиФото: Reuters
Изоҳ (0)