Қовоқча, помидор ва тухум қўшиб тайёрланадиган хуштаъм салат рецепти

Қовурилган қовоқча, сувли помидор ва қайнатилган тухумдан тайёрланадиган салат ёқимли таъмга эга. Унинг янада мазалироқ бўлишини истасангиз бироз саримсоқ қўшишни унутманг.

Керакли масаллиқлар:

• тухум — 4-5 дона
• қовоқча — 1 дона
• ўсимлик ёғи — 4-5 қошиқ
• помидор — 3-4 дона
• туз — таъбга кўра
• мурч — таъбга кўра
• саримсоқ — 1-2 дона
• сметана ёки майонез — таъбга кўра
• кўкатлар — таъбга кўра

1. Тухумни 10 дақиқа қайнатиб олинг.
2. Қовоқчани ингичка қилиб кесиб олинг. Агар қовоқча жуда кичкина бўлса яна яримта қовоқчани кесинг.
3. Ўсимлик ёғини ўртача оловда қиздиринг. Қовоқчани бир текис жойлаштиринг ва иккала томони ҳам қизаргунча қовуринг. Кейин уни қоғоз сочиқларга ёйиб чиқинг. Барча қовоқча бўлакларини худди шундай пишириб олинг.
4. Тухум ва помидорни катта бўлакларга бўлинг. Қовоқчага туз ва мурч қўшинг
5. Саримсоқни қирғичдан ўтказинг ва уни сметана ёки майонез билан аралаштиринг.
6. Барча маҳсулотларни аралаштиринг ва устига кўкатларни сепинг.

Мавзуга доир:

• Бақлажон, мол гўшти ва помидор қўшиб тайёрланадиган мазали салат рецепти
• Товуқ гўшти ва бринза қўшиб тайёрланадиган ҳазми енгил салат рецепти
• Макарон ва сабзидан тайёрланадиган салат рецепти
• Витаминларга бой помидор ва бринзали салат рецепти