Қовурилган товуқ филеси гулкарам, помидор, қалампир ва исмалоқ билан бирга пиширилганда ажойиб таъмни ҳосил қилади. Бундан ташқари ушбу таом турли хил витаминларга бой ҳисобланади.
Керакли масаллиқлар:
- гулкарам — ўртача 1 бош
- товуқ филеси — 450 г
- помидор — 3 дона
- пиёз — 1 дона
- сабзи — ўртача катталикдаги 1 та
- булғор қалампири — 1 донанинг ярми
- саримсоқ — 2-3 дона
- исмалоқ — 1 боғ
- ўсимлик ёғи — 2 қошиқ
- карри — 1 қошиқнинг ярми ёки ундан ортиқ
- кашнич — ярим қошиқ
- мурч — таъбга кўра
- сув — 200-300 мл
- туз — таъбга кўра
- Гулкарамни гулбаргларга ажратиб олинг. Товуқ филесини ўрта бўлакларга, помидор, пиёз, сабзи ва булғор қалампирини майда бўлакларга бўлиб кесиб олинг. Саримсоқни пичоқ билан майдаланг. Исмалоқни ҳам майда қилиб тўғранг.
- Ўсимлик ёғини қиздириб товуқ филесини қовуриб олинг ва уни бошқа идишга солинг.
- Товуқ филеси қовурилган идишга пиёзни қўшиб юмшагунча қовуринг ва устидан саримсоқни қўшиб 30 сония давомида пишириб олинг.
- Пиёз, саримсоқнинг устига сабзи ва булғор қалампирини солинг ва уни 3-4 дақиқа қовуринг.
- Унинг устига помидорни солиб бир неча дақиқа давомида пиширинг.
- Товуқ бўлакларини сабзавотлар пиширилаётган идишга қайтариб солинг ва унга гулкарам қўшинг. Кейин карри, кашнич ва мурч қўшиб аралаштиринг. Устига илиқ сув қуйинг ва пиширинг.
- Иссиқликни минимал даражага туширинг ва тахминан 25 дақиқа давомида идиш қопқоғини ёпиб димлаб пиширинг. Тайёр бўлишидан 5 дақиқа олдин туз қўшинг.
- Исмалоқни ҳам ўша идишга солинг. Уни барглари сўлигунча аралаштиринг ва яна бир неча дақиқа пиширинг.
Мавзуга доир:
Изоҳ (0)