Жазирама кунлар учун салқинбахш десерт: малинали музқаймоқ рецепти

Ёзнинг жазирама кунларида малина пюреси, хуштаъм крем ва тухум қўшиб тайёрланадиган ажойиб нафис десертни истеъмол қилиш инсонга ҳузур бахш этади. Десертнинг музлаши учун бир неча соат кутиш лозим. Музқаймоққа ўзингиз ёқтирган меваларни ҳам қўшишингиз мумкин.

Керакли масаллиқлар:

• янги узилган ёки музлатилган малина — 250 г
• шакар — 225 г
• тухум — 2 дона
• тухум сариғи — 4 дона 
• кўпиртириш учун крем — камида 33 фоизли, 600 мл

1. Идишга малина ва 2 қошиқ шакар солинг.
2. Уни ўртача ёки жуда паст оловга қўйиб, шакар эригунча аралаштиринг.
3. Аралашмани бироз қуюқлашгунча, яъни 5 дақиқа қайнатиб олинг.
4. Малина юмшоқ ҳолатга келгунча аралаштиринг.
5. Иссиқликка чидамли идишга тухум, унинг сариғи ва қолган шакарни солинг. Улар аралашма ҳолатига келгунга қадар миксер билан кўпиртиринг.
6. Идишни қайноқ сув солинган идиш устига қўйинг. Идишнинг пастки қисми сувга тегмаслиги керак.
7. Тухум массасини 3-4 дақиқа давомида қалинлашгунча кўпиртиринг.
8. Сув устига қўйилган идишни олинг ва тухумни кўпиртиришда давом этинг.
9. Алоҳида миксер олиб кремни ҳам кўпиртиринг.
10. Кремни тухум аралашмасига солинг ва юмшоқ ҳолатга келгунга қадар аралаштиринг.
11. Аралашмани идишга солинг, қопқоғини ёпиб тахминан бир соат музлаткичга қўйинг.
12. Кейин малина пюресини крем устига солинг ва озгина аралаштиринг.
13. Аралашмани 5-6 соат музлаткичга қўйинг ва музқаймоқ тайёр.

Мавзуга доир:

• Малина қўшиб тайёрланадиган меренгали рулет рецепти
• Малина қўшиб тайёрланадиган шоколадли пирог рецепти
• Малина ва қаймоқдан тайёрланадиган мазали ширинлик рецепти
• Ёқимли таъмга эга малина сиропли шоколадли мусс тайёрланг