Ушбу мазали таом инсон организми учун фойдали ҳисобланади. Агар сиз уни товуқ шўрвасидан тайёрласангиз, янада тўйимли овқатга айланади. Товуқ шўрвасининг ўрнига сув қўшсангиз, хушбўй ва ажойиб таом ҳосил бўлади. Енгил ҳазм бўлувчи қуюқ шўрванинг таркибидаги маҳсулотлар витаминларга бой.
Керакли масаллиқлар:
- қовоқча — 1 кг;
- кўк пиёз — 1 боғ;
- саримсоқ — 2 донача;
- ўсимлик ёғи — 1 қошиқ;
- товуқ шўрваси ёки сув — 800 мл;
- қаймоқ — 300-400 мл;
- туз — таъбга кўра;
- мурч — таъбга кўра.
Тайёрланиши:
- Қовоқчани ўрта бўлакларга бўлиб, пиёзни эса майдалаб тўғраб олинг. Саримсоқни ҳам майдалаб тўғранг ёки қирғичдан ўтказинг.
- Ўсимлик ёғини ўртача оловда қиздиринг. Пиёзни юмшоқ бўлгунча ва сал қизаргунча бир неча дақиқа давомида қовуринг. Унга саримсоқни ҳам қўшинг ва аралаштириб, яна ярим дақиқа пиширинг.
- Қовоқчани товуқ шўрваси ёки сувда паст оловда пиширинг. Унга сабзавотларни ҳам қўшиб, юмшоқ бўлгунча тахминан 15 дақиқа давомида қайнатинг.
- Маҳсулотларни сувдан ёки шўрвадан олинг ва блендер ёрдамида эзинг.
- Унга қаймоқ, туз ва мурчни қўшинг. Барчасини аралаштириб, совитилган ҳолда истеъмол қилинг.
Ёқимли иштаҳа!
Мавзуга доир:
Изоҳ (0)