Калорияси кам ҳамда тайёрланиши осон бўлган 5 та фойдали рецепт

Айрим маҳсулотларда калория кам бўлиши рост. Улар ҳазми енгиллиги билан ҳам фойдали ҳисобланади. «Новий очаг» нашри ана шундай салат, таом ҳамда ичимлик рецепти билан бўлишди.

Калорияси кам маҳсулотлар рўйхатига қуйидагилар киради:

• Селдер барглари энг паст калорияли кўкат ҳисобланади.
• Исмалоқ нафақат паст калорияли, балки кальций, магний, темир, ёд ва бошқа фойдали моддаларга ҳам бой.
• Бодринг 90 фоиз сувдан иборат бўлиб, бу вазн учун мутлақо хавфсиздир.
• Грэйпфруит метаболизмни рағбатлантиради, озиқ-овқатнинг яхшироқ сўрилишига ёрдам беради, организмдан ортиқча суюқликни олиб ташлайди.
• Кўк чой табиий равишда шакарсиз ичилса, даволовчи хусусиятга эга.
• Занжабил иссиқлик ажралишига ёрдам беради, бу энергия сарфини англатади.

Керакли маҳсулотлар:

• салат барглари — 200 грамм;
• бодринг — 2 дона;
• кўк пиёз — 1 дона;
• тухум сариғи, туз, стевия (шакар ўрнига);
• лимон шарбати — 1 ош қошиқ;
• зайтун мойи — 1/2 чой қошиқ;

1. Салат барглари ювилади ва қоғоз салфеткада қуритилади. Баргларни тенг қисмга бўлинади.
2. Янги ёки тузланган бодринг паррак шаклида билан тўғраб олинади ва салат баргига қўшилади.
3. Кўкат тўғралиб, ҳамма нарсани аралаштирилади.
4. Тухум сариғи оқидан ажратиб олинади, сариғига 1 пакет ёки 1 грамм стевия, туз, лимон шарбати ва зайтун мойи қўшиб аралаштирилади.

Қовоқчали карпаччо рецепти

Керакли маҳсулотлар:

• қовоқча — 2 дона;
• зайтун ёғи — 1 ош қошиқ;
• лимон шарбати — 1 ош қошиқ;
• укроп ва зираворлар.

1. Қовоқчанинг пўсти тозаланади ва ингичка узун тасма шаклида кесиб олинади.
2. Идишга чиройли тарзда териб чиқилади.
3. Қолган барча маҳсулотлар билан аралаштирилиб, дастурхонга тортилади.

Карамли шўрва-пюре рецепти

Керакли маҳсулотлар:

• сабзи —1 дона;
• пиёз — 5 дона;
• қизил булғори қалампири — 2 дона;
• помидор — 2 дона;
• карам, кўкат, туз ва зираворлар.

1. Сувни қайнатиб олинади ва тозаланган барча маҳсулотлар солинади.
2. Қопқоқ билан ёпиб, ўртача оловда 10 дақиқа қайнатиб олинади.
3. Сабзавотларни блендерда яхшилаб аралаштирилади.
4. Тайёр бўлган пюрега туз ва зираворлар қўшилади.
5. Устига кўкатлар сепилиб, дастурхонга тортилади.

Рататуй рецепти

• бақлажон — 300 грамм;
• қовоқча — 300 грамм;
• помидор 1 — кило;
• пиёз — 2 дона;
• булғор қалампири — 2 дона.
• саримсоқ — 3 бўлак;
• зайтун мойи — 2 ош қошиқ;
• туз ва кўкатлар.

1. Сабзавотлар яхшилаб ювилади. Қовоқча ва бақлажоннинг пояси кесиб олинади ва булғорининг уруғлари олиб ташланади.
2. Помидорлар иккита тенг қисмга бўлинади, уларга қайноқ сув қуйилади ва тозаланади.
3. Соус учун пиёз майда тўғралади, 1 ош қошиқ зайтун мойида ярим пишгунича қовурилади. Бир чимдим туз қўшилади.
4. Тозаланган помидор, булғор қалампири майда тўғралиб, пиёзга қўшилади.
5. Барча сабзавотларни юмшоқ бўлгунга қадар қовурилади. Пишишидан бироз аввал озроқ сув қуйиш мумкин.
6. Қовоқча, бақлажон ва помидор бир хил қалинликдаги паррак шаклида кесилади.
7. Зайтун мойи майдаланган саримсоқ ва зираворлар билан аралаштирилади, туз қўшилади.
8. Қолипнинг пастки қисмига соус қуйилади.
9. Соус устидан паррак шаклидаги сабзавотлар териб чиқилади.
10. Устидан саримсоқ ва зираворли ёғ қуйилади.
11. Қолип фольга билан ёпилади, 180 даража ҳароратда 35 дақиқа давомида печга қўйилади.
12. Сўнгра фольга олиб ташланади ва яна 20 дақиқа пиширилади.

Кокос сутили смузи рецепти

Керакли маҳсулотлар:

• олма — 1 дона;
• селдер — 1 дона;
• киви — 2 дона;
• исмалоқ — 50 грамм;
• газсиз минерал сув — 2 ош қошиқ.
• бодом ёки кокос сути.

1. Мевалар тозаланади ва майда тўртбурчак шаклда тўғралади.
2. Барчаси блендерда силлиқ бўлгунча аралаштирилади.
3. Устидан минерал сув қуйилиб ва силлиқ бўлгунча яна бир неча сония аралаштирилади.
4. Смузи музлаткичда совитилиб, сўнгра дастурхонга тортилади.