Буюк Британия Беларусдан қурол импорт қилишни тақиқлади

Буюк Британия Беларусдан қурол-яроғ ва тегишли материалларни импорт қилишни тақиқлади. Бу ҳақда мамлакат ҳукумати сайтида хабар берилган.

«Қурол ва тегишли материалларни олиб кириш тақиқланди. Тақиқ Беларусда ишлаб чиқарилган ёки у ердан жўнатилган товарларга нисбатан қўлланилади. Бу шуни англатадики, агар товарларнинг тўғридан-тўғри жўнатиладиган жойи Беларусь бўлмаса ҳам, тақиқ қўлланилиши мумкин», — дейилади баёнотда.

Бундан ташқари, Буюк Британиянинг Беларусдан пўлат ва темир маҳсулотлари, минераллар ва калий карбонат импортини тақиқлаш ҳақидаги санкциялари ҳам кучга кирди. Минскка қарши янги чеклов чоралари 60 миллион фунт стерлинг қийматидаги маҳсулотларни нишонга олади, деди Британия расмийлари.

Лондон Минскка қарши янги санкциялар жорий этилишини Беларусь расмийлари Россиянинг Украинадаги босқинига «фаол ҳисса қўшишда давом этаётгани» билан изоҳлаган. Шу билан бирга, Беларусь президенти Александр Лукашенко Беларусь ҳарбийлари жанговар ҳаракатларда қатнашмагани ва буёғига ҳам қатнашмаслигни бир неча бор таъкидлаган. Унинг сўзларига кўра, Минск можарога қўшилмоқчи эмас, чунки «бунинг ҳожати йўқ». Май ойида Беларусь қўшинларининг кутилмган ҳужумларга тайёрлигини текшира бошлади, июнь охирида эса Украина билан чегаралар яқинида «сафарбарлик машқлари» ўтказилди.

Беларусь Иқтисодиёт вазирлиги Ғарб санкцияларини «иқтисодий геноцид» деб номлаган. Лукашенко Россия ва Беларусь санкциялар босимига дош бера олишига, бошқа давлатлар эса чекловчи чораларни «қандай енгиш кераклигини улардан ўрганишига» ишонч билдирган.