Бугунги кунда ғалладан бўшаган майдонлар такрорий экин экиш учун аҳолига ажратиб берилмоқда. Бу ҳақда Қишлоқ хўжалиги вазирлиги хабар берди.
Ушбу жараёнларнинг ҳисоботини автоматлаштириш мақсадида, Агросаноатни рақамлаштириш маркази мутахассислари томонидан махсус «monitoring.agro.uz» ахборот тизими ишлаб чиқилди.
Ушбу тизимда кунлик ҳисоботлар онлайн тарзда туман даражасида тўлдирилиб, сўнг республика бўйича автоматик тарзда жамланиб боради. Натижада ҳисоботларни юритишнинг шаффоф механизми яратилди.
Тизим орқали ғалладан бўшаган ер майдонларининг қайси фуқароларга ажратилаётганини номма-ном кўриш имконияти мавжуд.
Ҳозирги вақтда тизимда соҳа ходимларидан 150 дан ортиқ фойдаланувчи мавжуд бўлиб, улар интерактив режимда ҳисоботларни киритиб бормоқда.
Аввалроқ буғдойдан бўшаган майдонларни ёқиш катта иқтисодий зарар келтираётгани ҳақида хабар берилганди.
Изоҳ (0)