Ҳиндистоннинг Россия хом нефтини 30 фоизгача чегирма билан сотиб олишга тайёрлиги АҚШ, Европа ва Буюк Британиянинг импортни қисқартириш орқали Россия даромадини тугатишга қаратилган саъй-ҳаракатларига путур етказди. Бу ҳақда Guardian хабар берди.
Россия май ойида нефть экспортидан 20 млрд доллар даромад олди ва урушдан олдинги даражасига қайтди.
Ҳозирги вақтда импортнинг ўсишини ҳисобга олган ҳолда, Ҳиндистон Европа учун Россия нефтини етказиб бериш воситасига айланаётгани ҳақида хавотирлар кучаймоқда.
Урушдан олдин юк ташиш нархининг юқорилиги туфайли Ҳиндистоннинг Россия нефти импорти аҳамиятсиз эди. Аммо сўнгги пайтларда Ҳиндистонга импорт ҳажми ошди.
Ҳиндистон сотиб олган ва экспорт қилаётган нефть, Россиянинг қайта ишланган хом ашёси охир-оқибат Европанинг ёнилғи қуйиш шохобчаларида ишлатилиши мумкинлигини кўрсатади.
Май ойида Ҳиндистон Россиядан кунига тахминан 800 минг баррель нефть импорт қилди. Ҳозирда импорт кунига 1 миллион баррелга ёки Ҳиндистоннинг умумий импортининг 20 фоизига ошиши мумкинлигини тахмин қилинмоқда.
Ҳиндистоннинг 1,4 миллиард аҳолига эгалиги унга арзон материалларни излаш учун асос ҳисобланади. Аммо бу хавфли сиёсий ўйин.
Гужаратдаги Reliance Industries Жамнагар нефтни қайта ишлаш заводи май ойида Россиядан нефтнинг 27 фоизини олган. Бу кўрсаткич апрель ойида атиги 5 фоизни ташкил қилган.
Мутахассисларнинг таъкидлашича, Жамнагардан экспорт қилинадиган юкларнинг тахминан 20 фоизи Сувайш каналига чиқиб кетган, бу улар Европа ёки АҚШга жўнатилаётганини тасдиқлайди.
Ҳиндистон Франция, Италия ва Буюк Британияга маҳсулот экспорт қилган. Бироқ бу юклар орасида Россия нефти борлиги ҳақида ҳеч қандай далил йўқ.
Манбаларнинг таъкидлашича, юк жўнатувчилар Россия нефтининг келиб чиқишини яшириш учун бир қанча тактикалардан фойдаланмоқда.
Молиявий нуқтаи назардан, саноат стандарти доллардан кўра маҳсулот учун Хитой валютасида тўлаш — бу вариант. Февраль ойида Украинадаги уруш бошланганидан кейин юань-рубль савдо ҳажми 1,067 фоизга ошди.
Нефтьни кемадан кемага ўтказиш ҳам тезлашди, бу нефть Россия байроғи остидаги кемалардан бошқа кемаларга ўтказилаётганидан далолат беради.Россия транзакцияларини яшириш учун учинчи усул — бу валютадан фойдаланишни тўхтатиш ва нефтни олтин, озиқ-овқат ёки қурол каби бошқа маҳсулотларга тўғридан-тўғри сотиш.
Ҳиндистон нефтни қайта ишлаш корхоналари арзонлаштирилган рус хом ашёсининг катта ҳажмини олиб, сўнгра қайта ишланган маҳсулотнинг муҳим қисмини экспорт қилаётгани аниқ, — дейди Shorе Capital таҳлилчиси Крейг Хоуи.
Украина президентининг бош иқтисодий маслаҳатчиси Олег Устенкога кўра, Европа раҳбарлари ўзларининг санкциялар режимларига жиддий ёндашишлари керак. Улар нафақат Россиядан қазиб олинадиган ёқилғиларни импорт қилишни тақиқлаши, балки уларнинг савдосига ҳам катта солиқ солиши керак.
Аввалроқ Европа Россиянинг Осиё давлатларига нефть экспортини чеклашга уринаётгани ҳақида хабар берилганди.
Изоҳ (0)