Самарқанд шаҳридаги кўп қаватли бинонинг балкон қисмидан 1,5 ёшли қизча йиқилиб тушиб, вафот этган. Бу ҳақда «Дарё» сўровига жавобан Бош прокуратура ахборот хизмати маълум қилди.
Қайд этилишича, 2022 йил 9 июнь куни соат 18:00 ларда Самарқанд шаҳар «Қорасув» маскани 81-уйда жойлашган, фуқаро А.К.га тегишли бўлган 28-хонадондан А.К.нинг вояга етмаган фарзанди, 19.11.2020 йилда туғилган Ш.С. хонадон эшигининг очиқлиги оқибатида, йўлакчадан ташқарига чиқиб, эҳтиётсизлик оқибатида хонадон жойлашган 10-қават балкон темир панжараси орасидан пастга йиқилиб тушиб, оғир тан жароҳатлари сабабли воқеа жойида вафот этган.
Ушбу ҳолат юзасидан воқеа жойига Самарқанд шаҳри бўйича ИИО ФМБ ҳузуридаги Тергов бўлими бошлиғи подполковник Д.Д.Султонов, Самарқанд шаҳар прокурори ўринбосари А.Тўйчиев, шаҳар прокуратураси терговчиси Ф.Нарзуллаев бошчилигида тезкор-тергов гуруҳи тузилиб, ҳодиса содир бўлган жой ва Ш.С.нинг мурдаси мутахассис иштирокида кўздан кечирилган.
Марҳума Ш.С.нинг танасидаги тан жароҳатлари ва ўлим сабабларини аниқлаш мақсадида суд-тиббий экспертиза тайинлаш қарори чиқарилган бўлиб, аммо марҳуманинг оила аъзолари ушбу ҳолат юзасидан бирор кимдан даъво шикоятлари йўқлиги сабабли экспертиза текшируви ўтказишни рад этилган.
Ушбу ҳолат холислар иштирокида ҳужжатлаштирилиб, марҳума Ш.С.нинг мурдаси оила аъзолари ихтиёрига қолдирилган.
Мазкур ҳолат юзасидан терговга қадар текширув ҳаракатлари олиб борилмоқда.
Бундан аввал Тошкентдаги кўп қаватли уйнинг 11-қаватидан 1,5 яшар бола тушиб кетгани ҳақида хабар қилинганди.
Изоҳ (0)