Ҳукумат қарори билан Одил Абдураҳмонов Республика олий таълим кенгаши раиси этиб тайинланди, деб хабар беради Олий ва ўрта махсус таълим вазирлиги.
Кенгаш юридик шахс мақомига эга бўлган нодавлат нотижорат ташкилоти ҳисобланиб, республика олий таълим муассасаларининг фаолият самарадорлиги бўйича таклиф ва тавсиялар ишлаб чиқади.
Одил Абдураҳмонов бир вақтнинг ўзида Тошкент давлат транспорт университети ректори ҳам ҳисобланади.
Эслатиб ўтамиз, Республика олий таълим кенгашининг олдинги раиси — иқтисод фанлари доктори, профессор Ўктам Умурзоқов 2021 йилнинг июлида вафот этганди.
Изоҳ (0)