Россиянинг «Азимут» авиакомпаниясининг самолёти 11 июнь куни соат 02:00 да бортида юз нафар йўловчи билан Навоий халқаро аэропортига қўнди. Бу ҳақда Uzbekistan Airports матбуот хизмати хабар берди.
Анъанага кўра, самолёт сув аркаси билан тантанали равишда кутиб олинган.
Таъкидланишича, бу «Азимут» авиакомпаниясининг Москва—Навоий—Москва йўналиши бўйича биринчи йўловчи рейси бўлган. Рейслар «Внуково» аэропортидан мунтазам равишда SSJ100 самолётларида ҳафтасига бир марта — жума кунлари амалга оширилади.
Маълумот учун, «Азимут» — Краснодарда ва Ростов-на-Донда жойлашган Россия авиакомпаниясидир.
Аввалроқ Uzbekistan Airways Express Тошкентдан Самарага парвозларни йўлга қўймоқчилиги, Uzbekistan Airways Сочига авиақатновларни узайтиргани тўғрисида хабар берилганди.
Изоҳ (0)