Тошкентда ички ишлар органи ходимлари тунда юрган йигит ва қизни калтаклаб, уларни жинсий таҳқирлагани тўғрисида хабар берилганди. ИИВ матбуот котиби ҳолатга муносабат билдирди.
Маълум бўлишича, 8 июнь куни соат 02:30 да Мирзо Улуғбек туманида Ички ишлар органлари ходимлари томонидан фуқароларнинг шахсини аниқлаш зарурати юзага келган. Бунга уларнинг гиёҳванд модда ташишда гумон қилингани ва профилактика назоратини бузгани сабаб бўлган.
Қиз ва йигит аввал бошидан ИИО ходимларининг ҳаракатларига фаол қаршилик кўрсатган.
«Айрим оммавий ахборот воситалари томонидан воқеаларнинг бирёқлама талқин қилиниши, шунингдек, мақолаларда ёшларнинг саргузаштлари бўяб тасвирлангани сабабли ижтимоий тармоқларда турли миллатчилик руҳидаги баёнот ва мулоҳазалар тарқала бошлади», — деб ёзади ИИВ вакили Шоҳрух Ғиёсов.
Унинг сўзларига кўра, бу каби миллатлараро адоватни сунъий равишда қўзғатишга бўлган уринишлар биринчи марта кузатилмаяпти.
Таъкидланишича, тергов фуқароларнинг тасвирда акс этган тан жароҳатларини қаерда ва қандай шароитда олган бўлиши мумкинлигини ҳозирча аниқламаган. «ОАВ ва ижтимоий тармоқлар фаолларидан ички ишлар органи ходимлари ҳамда фуқароларнинг ҳаракатларига ҳуқуқий баҳо берилишини кутишларини сўраймиз», — дейилади муносабатда.
Аввалроқ Бош прокуратура ҳозирда мазкур факт юзасидан Мирзо Улуғбек тумани прокуратураси томонидан терговга қадар текширув ҳаракатлари бошланганини маълум қилганди.
Мавзуга доир:
- Қашқадарёда мол ўғрилигида гумон қилинган эркак ИИБ ходимлари томонидан калтакланиши оқибатида вафот этгани айтилмоқда
- Чироқчида бир неча ИИБ ходими қамоққа олинди. Улар одам ўлдиришда гумон қилинмоқда
- «‘Участкавойъларингни қутқариб қолсаларинг, ургани йўқ десаларинг, рози қилади». Чироқчилик ИИБ ходимлари қотилликни яшириш учун гувоҳларнинг оғзини ёпишга уринган
- «Чироқчи воқеаси» ортидан вилоят ИИБ бошлиғи ўринбосари ишдан кетди«Чироқчи воқеаси» бўйича қамоққа олинганлардан бири ИИБ бошлиғи эканлиги айтилмоқда
Изоҳ (0)