Тадбиркор ва миллиардер Илон Маск Голливуддаги Санта-Моника булварида ўзининг емакхонасини очишни режалаштирмоқда. Ҳозирда рухсат олиш учун ҳужжатлар тегишли идораларга топширилган, деб хабар беради Daily Mail.
Мазкур овқатланиш муассасаси суткасига 24 соат ишлайди. У ерда овқатдан ташқари электромобиллар учун қувватлантириш станцияси ҳам бўлади. Шунингдек, бинога давомийлиги 30 дақиқадан ошмайдиган (бу стандарт овқатланиш ва Tesla’ни қувватлантиришга етадиган вақт) қисқа метражли фильмларни томоша қилиш учун бир нечта ёруғлик диодли киноэкранлар ҳам ўрнатилади.
Интернетда эълон қилинган схемалардан бинонинг кўриниши қандай бўлишини англаш қийин, бироқ Илон Маск катта эҳтимол билан футуристик услубни танлайди. Бино ичидан 200 дан ортиқ ўрин жой олади.
Қизиқ жиҳати, емакхона хизматидан фойдаланилганлик учун Dogecoin криптовалютаси билан ҳам тўловни амалга оширса бўлади. Буни Tesla бош директорининг шахсан ўзи таъкидлаган.
Қайд этилишича, Илон Маск ўз ресторанини очиш ҳақида анча йиллардан бери бош қотириб келади. Тадбиркор бу ҳақда 2018 йилда Twitter’га ёзиб қолдирган, ўтган йили эса ресторан бизнесига боғлик учта товар белгиси учун ариза берган.
Аввалроқ Маск, Безос ва Гейтс йил бошидан бери 115 миллиард доллар йўқотгани ҳақида хабар берилган эди.
Мавзуга доир: Маск Twitter’ни сотиб олиш учун 6,25 млрд доллар йиғди
Изоҳ (0)