Интернетда жуда ёқимтой, бироқ хавфли бўлган олмахон ҳақидаги ўйин оммалашиб кетди, деб хабар беради Hi-Tech.Mail.ru.
Олмахонни VFХ-рассом ва мустақил дастурчи Ден ДеЕнтремон яратган. У кемирувчи ҳақидаги ўйин устидаги ишни қишда бошлаган, бироқ интернет фойдаланувчилари лойиҳага анча кейин эътибор қаратган.
Дастурчи экшн жанридаги ўйинни бир ўзи яратган. У тармоққа қаҳрамон ва унинг атрофидаги оламга боғлиқ турли роликларни жойлаб бормоқда. Қолдирилган изоҳларнинг аксариятида фойдаланувчилар юнгли қаҳрамондан ҳайратга тушаётганини ёзяпти (айниқса, майда деталларига қадар ишлов берилганига).
Ижтимоий тармоқда эълон қилинган видеога кўра, олмахон бир неча турдаги қуролларни танлашга ва унинг ёрдамида душманларга қарши курашишга қодир. Дастурчининг таъкидлашича, ўйиндаги физика қонунлари реал бўлиб, митти кемирувчи ўт очган вақтда орқага силжиб кетади. Қуролдан қайтаётган зарб қайсидир онда пахмоқ қаҳрамонга тўсиқларни босиб ўтишга ҳам ёрдам беради.
Ўйин расман қачон тақдим этилиши номаълум. Дастурчи ўйиннинг номини ҳам ҳозирча эълон қилмаган, бироқ май ойидан бошлаб роликлар сони орта бошлаётгани ҳисобга олинса, хавфли олмахонга боғлиқ ўйин тез орада мухлисларга тақдим этилади.
Изоҳ (0)