Google биринчи Pixel соати, Buds Pro ва бошқаларни тақдим этади

11 май куни дастурчилар учун йиллик Google I/О конференцияси бошланди.

Очилиш нутқи давомида компания янги маҳсулот ва хизматларни ёки уларнинг янгиланишларини тақдим этди.

• Pixel 7 смартфонлар серияси эълон қилинди. Гаджетлар 2022 йилнинг кузида чиқарилиши режалаштирилган, улар Android 13 операцион тизими ва иккинчи авлод Tensor процессорида ишлайди.
• Pixel 6а бюджетли смартфони 2021 йилнинг кузида тақдим этилган Pixel 6 нинг соддалаштирилган версиясидир. Нархи 449 доллар, АҚШда сотилади.

• Pixel Buds Pro минигарнитуралари «шаффофлик» режимини ва шовқинни аниқласа, овозни автоматик равишда камайтирадиган функцияга эга. Уни ўчириш ҳам мумкин. Нархи 199 доллар.

• Компания Pixel Tablet устида ишламоқда, уни 2023 йилда чиқаришни режалаштирмоқда. У Android 12L операцион тизимида ишлайдиган Tensor процессорида ишлайди.
• Смарт соат — Google Pixel Watch. Улар кузда смартфонларнинг янги версиялари билан бирга чиқарилади ва Fitbit иловаси билан интеграцияни олади. Нархи номаълум.

• Кенгайтирилган реаллик кўзойнаклари. Улар реал вақтда бир тилдан иккинчи тилга таржима қилишлари ва матнни экранда кўрсатишлари мумкин.

• Кузда «Matter» ақлли уй қурилмалари учун стандарт ишлай бошлайди.
• «Кўп қидирув» функциясини янгилаш — у бир вақтнинг ўзида матн ва тасвирни қидириш имконини беради. Энди фойдаланувчи қидирув натижаларини, масалан, маҳаллий дўконда маҳсулотни топиш билан чеклаши мумкин.

• Таржимонда 24 та янги тил мавжуд, шу жумладан, АҚШнинг туб халқлари тиллари.
• Хариталар «иммерсив кўриниш» функциясини эга: компания кўча кўриниши ва аэрофотосуратни бирлаштирган. Фойдаланувчи кўчаларни юқоридан ўрганиши ёки ресторан ичини кўриш учун пастга тушиши мумкин бўлади.

• Овозли ёрдамчи янги функцияларга эга бўлади. Google Nest учун биринчиси: қурилмага қаратиш ва сўров юбориш керак, у уни ўзи танийди.

• Chrome кредит карта рақамини виртуал рақам билан алмаштириш имконини берувчи хусусиятга эга бўлади. Бу фирибгарлардан ёки онлайн-дўконни бузиш натижасида маълумотлар тарқашидан ҳимоя қилишга ёрдам беради.
• Банк карталари ва содиқ мижоз карталарини сақлаш учун Google Wallet иловаси.

• Катта экранли қурилмалар учун Android 12L нинг янгиланган версияси. Билдиришномалар панели икки қисмга бўлинади: чап томонда қурилмани бошқариш тугмалари, ўнг томонда билдиришномаларнинг ўзи.
• Иловалар янги ОТ учун ҳам оптималлаштирилмоқда. Мисол учун, Google Photos’да экраннинг бир томонида папкалар, бошқа томонида эса фотосуратлар бўлади.