Spot роботини ўлчами, тўртта «панжага» таяниб юриш услуби ва ўзига хос чекловлари — дунёни тўлиқ рангларда кўра олмаслиги сабаб итга ўхшатишади. Сўнгги факт ўзгаришга учради ва эндиликда робот-ит дунёни рангли кўришни бошлади, деб хабар беради Gismodo.
Boston Dynamics компанияси Spot’га бешта стереокамерани ўрнатди — улар робот танасининг турли қисмларида жойлашган ва атроф-муҳитни 3D форматда кўрсатишга хизмат қилади. Эндиликда улар тўлақонли тасвирни ҳосил қилади, шунингдек, чуқурлик ва аниқлик бўйича тўлиқ яхшиланган маълумотларни тақдим этади.
Ишлаб чиқарувчининг ҳисоблашича, ушбу ўзгариш Spot автономлигининг бироз оширилишига ва масофадан туриб бошқарувчи операторларга дунёни Spot’нинг кўзлари билан рангли кўриш имкониятини беради.
Робот-итнинг кўзи ўзгариши билан бирга, унга Spot I/О$/ЭХ$ юқори самарадорликка эга фойдали компьютер юкламаси ҳисобига 5G алоқа тармоғи ўрнатилган. У механик итга NVIDIA Jetson Xavier NX модулидан фойдаланиш орқали, турли объектларни узлуксиз кузатиш ва уларга боғлиқ маълумотларни тўплаш имконини беради. Буларнинг барчаси Spot’га саноат майдончаларида хавфсизликни қўллаб-қувватлаган ҳолда ишлашига хизмат қилади.
Маълумот учун, робототехникага ихтисослашган Boston Dynamics компаниясига Марк Райберт ва Массачусетс технологиялар институтининг бир гуруҳ муҳандислари томонидан 1992 йилда асос солинган. 2013 йил охирида компанияни Google сотиб олган, 2017 йилда эса Япониянинг йирик инвестори — SoftBank. 2020 йилда Boston Dynamics саккизта роботлар моделини тақдим этди, хусусан, антроморф Атлас роботини ҳам.
Бундан олдин Boston Dynamics’нинг робот-ити 74,5 минг доллардан сотувга чиққани, у Сингапур боғида одамлар орасидаги оралиқ масофани текширишни бошлагани тўғрисида хабарлар берилганди.
Изоҳ (0)