Фенлар, чангютгичлар ва бошқа кичик техникаларни сотишга ихтисослашган Dyson компанияси мустақил равишда предметларни кўтаришга қодир роботлар прототипини намойиш этди.
«Dyson компьютерга, дастурий таъминотга, датчиклар ва мехатроникага ихтисослашган 250 нафар муҳандисни йиғиб, робототехника соҳасидаги амбицияларини оширмоқда. Шунингдек, компания яқин беш йил ичида яна 700 нафар мутахассисни ёллаш ниятида. Бош режа: Буюк Британиядаги Халлавингтон аэродромида энг замонавий робототехника марказини яратиб, ўн йиллик охирига қадар ушбу технологияни уйларимизга жорий этиш», — дейилади релизда.
Dyson томонидан намойиш этилган роботлар ликопчалар, болалар ўйинчоқларини кўтара олади ва 3D-модель қуриш орқали мебелни чангюткич ёрдамида тозалашга дастурлаштирилган. Ушбу натижага компания бош муҳандиси Жейк Дайсон (компания асосчиси Жеймс Дайсоннинг ўғли) бошчилиги остида эришишга муваффақ бўлинган.
Dyson’нинг дастлабки тижорий намуналари 2030 йилдан сотувга чиқиши кутилмоқда.
Аввалроқ афсонавий Boston Dynamics робот-ити янги опцияларга эга бўлгани, Амстердамда робот қайиқларни синовдан ўтказиш бошлангани тўғрисида хабар берилганди.
Изоҳ (0)