Tadbirkor va milliarder Ilon Mask Gollivuddagi Santa-Monika bulvarida o‘zining yemakxonasini ochishni rejalashtirmoqda. Hozirda ruxsat olish uchun hujjatlar tegishli idoralarga topshirilgan, deb xabar beradi Daily Mail.
Mazkur ovqatlanish muassasasi sutkasiga 24 soat ishlaydi. U yerda ovqatdan tashqari elektromobillar uchun quvvatlantirish stansiyasi ham bo‘ladi. Shuningdek, binoga davomiyligi 30 daqiqadan oshmaydigan (bu standart ovqatlanish va Tesla’ni quvvatlantirishga yetadigan vaqt) qisqa metrajli filmlarni tomosha qilish uchun bir nechta yorug‘lik diodli kinoekranlar ham o‘rnatiladi.
Internetda e’lon qilingan sxemalardan binoning ko‘rinishi qanday bo‘lishini anglash qiyin, biroq Ilon Mask katta ehtimol bilan futuristik uslubni tanlaydi. Bino ichidan 200 dan ortiq o‘rin joy oladi.
Qiziq jihati, yemakxona xizmatidan foydalanilganlik uchun Dogecoin kriptovalyutasi bilan ham to‘lovni amalga oshirsa bo‘ladi. Buni Tesla bosh direktorining shaxsan o‘zi ta’kidlagan.
Qayd etilishicha, Ilon Mask o‘z restoranini ochish haqida ancha yillardan beri bosh qotirib keladi. Tadbirkor bu haqda 2018-yilda Twitter’ga yozib qoldirgan, o‘tgan yili esa restoran biznesiga bog‘lik uchta tovar belgisi uchun ariza bergan.
Avvalroq Mask, Bezos va Geyts yil boshidan beri 115 milliard dollar yo‘qotgani haqida xabar berilgan edi.
Izoh (0)