Тошкент шаҳри Чилонзор туманида 30 май куни бошқарувни йўқотган Cobalt йўл-транспорт ҳодисаси содир этди. Бу ҳақда шаҳар Ички ишлар бош бошқармаси хабар қилди.
Қайд этилисича, ҳолат шу куни соат тахминан 06:00 ларда Чилонзор тумани Бунёдкор кўчасида юз берган. Ҳайдовчи Ф.Б. (24 ёшли) Cobalt автомашинасида ҳаракатланаётиб тезликни ошириш оқибатида рул бошқарувини йўқотган ва йўл четидаги бетон устунга урилган.
ЙТҲ оқибатида жароҳат олганлар аниқланмади.
Ҳолат юзасидан Тошкент шаҳар ИИББ ЙҲХБ ходимлари томонидан терговга қадар текширув олиб борилмоқда.
Аввалроқ Қамчиқ довонида суюлтирилган газ ортилган юк машинаси бетон тўсиққа урилиб, ағдарилгани, Наманганда вояга етмаган бола Lacetti’да бетон устунга бориб урилиши оқибатида вафот этгани ҳақида хабар берилган.
Изоҳ (0)