КХДРда 15 киши коронавирус билан касалланиш оқибатида ҳаётдан кўз юмди. Бу ҳақда Жанубий Кореянинг Yonhap агентлиги хабар берган.
Хабарга кўра, Шимолий Кореяда тахминан 296 минг одамда коронавирус билан касалланиш белгилари, жумладан, иситмалаш кузатилган. Айрим оммавий ахборот воситалари бу ҳолатлар коронавирус билан касалланишдан дарак бериши мумкинлиги ҳақида ёзган.
Yonhap КХДР ОАВ мамлакатда COVID-19 билан касалланишни аниқлайдиган ускуналар етарли эмаслиги туфайли коронавирусга ўхшаш ҳолатларни иситмалаш билан изоҳлаётган бўлиши мумкинлигини тахмин қилган.
Пхеньян 13 май куни 21 нафар одамнинг коронавирус билан касалланиш оқибатида ҳалок бўлганини тасдиқлаганди.
Аввал ҳафта бошида Шимолий Кореядаги эпидемиологик вазият КХДР меҳнат партияси марказий кенгашининг сиёсий бюроси йиғилишида муҳокама қилингани, унда мамлакат раҳбари Ким Чен Ин раислик қилгани хусусида хабар берилганди. КХДР раҳбари инфекциянинг тарқалиши мамлакатга асос солинганидан бери кузатилаётган энг буюк изтироб деб атаган.
Изоҳ (0)