Bugun,

  • USD 11095.31
  • RUB 173.84
  • EUR 10772.44

Shimoliy Koreyada noma’lum bezgak avj oldi. Bu haqda Janubiy Koreyaning Yonhap agentligi KXDR Markaziy telegraf agentligiga tayanib xabar bergan.

Kim Chen In siyosiy byuroning COVID-19 avj olishi tufayli chaqirilgan majlisida

Kim Chen In siyosiy byuroning COVID-19 avj olishi tufayli chaqirilgan majlisida
Foto:Reuters

Agentlik ma’lumotlariga ko‘ra, 350 ming kishi ushbu bezgakka chalingan, ularning 162 ming nafari davolanib bo‘lgan. Ushbu kasallik koronavirus bilan bog‘liq yoki yo‘qligiga aniqlik kiritilmagan.

12-may kuni Shimoliy Koreya hududida 18 ming kishi “kelib chiqishi noma’lum bo‘lgan bezgak”ka chalingan. Ta’kidlanishicha, ushbu kasallik mamlakatda aprel oxirida tarqalishni boshlagan.

“Bezgakning poytaxt hududida tarqalishi shuni ko‘rsatadiki, yaratilgan himoya tizimining zaif nuqtalari bor”, — deyiladi xabarda.

Eslatib o‘tamiz KXDRdagi COVID-19 ga chalinish bilan bog‘liq ilk holat haqida 12-may kuni ma’lum bo‘ldi. 8-may kuni Pxenyandagi bemorlardan test olingan, natijalar omikron shtammi bilan kasallanish holatini ko‘rsatgan.

Shundan so‘ng respublika hukumati “maksimal favqulodda vaziyat” uchun virusni nazorat qilish tizimi joriy etilishini e’lon qildi. Keyin Shimoliy Koreya yetakchisi Kim Chen In Siyosiy byuro yig‘ilishini o‘tkazib, virus tarqalishining oldini olish uchun barcha choralarni ko‘rishga va chegara nazoratini kuchaytirishga chaqirdi.

Janubiy Koreya prezidenti ma’muriyati Shimoliy Koreya hukumatiga COVID-19 ga qarshi kurashda gumanitar yordam ko‘rsatishga tayyorligini ma’lum qildi.

Pandemiya boshlanganidan beri Pxenyan biror marta mamlakatda koronavirusga chalinish holatlari haqida rasman xabar bermagan. Biroq 2020-yil iyul oyida Markaziy telegraf agentligi mamlakatda COVID-19 borligi taxmin qilinayotgani haqida xabar berdi. Agentlik ma’lumotlariga ko‘ra, virusni yuqtirganlar KXDR chegarasini “noqonuniy ravishda kesib o‘tgan” bo‘lishi mumkin. Shundan so‘ng Kim Chen In hukmron Ishchilar partiyasi Siyosiy byurosining favqulodda yig‘ilishini chaqirgan. Kasallangan odam bilan aloqada bo‘lganlarning barchasi karantinga olingan.

Virus kirib kelishining oldini olish maqsadida 2020-yil yanvar oyida Shimoliy Koreya hukumati xorijliklar va o‘z fuqarolari uchun quruqlik, dengiz va havo chegaralarini yopdi, shuningdek, mamlakat ichida harakatlanishga qattiq cheklovlar kiritdi. O‘sha yilning fevral oyidan qator davlatlarning elchixonalari yopila boshladi, diplomatlar mamlakatni tark etdi. Bundan tashqari, dunyoda COVID-19 bilan bog‘liq vaziyat tufayli KXDR 2021-yilda Tokioda bo‘lib o‘tgan Yozgi Olimpiya o‘yinlarida ishtirok etishdan bosh tortdi.

Izoh
Asosiy yangiliklar
Mahalliy
O‘zbekistonda ko‘chmas mulk, avtomototransportni boshqa shaxsga o‘tkazishda davlat boji miqdorlari kamaytirildi
Mahalliy
Elektr va gazdan shikoyat qilgan fuqarolarni qamoq bilan “ogohlantirgan” deputat o‘z xohishiga ko‘ra ariza yozdi
Mahalliy
O‘zbekistonning katta qismida hafta oxiriga borib anomal sovuq bo‘lishi kutilmoqda