KXDRda 15 kishi koronavirus bilan kasallanish oqibatida hayotdan ko‘z yumdi. Bu haqda Janubiy Koreyaning Yonhap agentligi xabar bergan.
Xabarga ko‘ra, Shimoliy Koreyada taxminan 296 ming odamda koronavirus bilan kasallanish belgilari, jumladan, isitmalash kuzatilgan. Ayrim ommaviy axborot vositalari bu holatlar koronavirus bilan kasallanishdan darak berishi mumkinligi haqida yozgan.
Yonhap KXDR OAV mamlakatda COVID-19 bilan kasallanishni aniqlaydigan uskunalar yetarli emasligi tufayli koronavirusga o‘xshash holatlarni isitmalash bilan izohlayotgan bo‘lishi mumkinligini taxmin qilgan.
Pxenyan 13-may kuni 21 nafar odamning koronavirus bilan kasallanish oqibatida halok bo‘lganini tasdiqlagandi.
Avval hafta boshida Shimoliy Koreyadagi epidemiologik vaziyat KXDR mehnat partiyasi markaziy kengashining siyosiy byurosi yig‘ilishida muhokama qilingani, unda mamlakat rahbari Kim Chen In raislik qilgani xususida xabar berilgandi. KXDR rahbari infeksiyaning tarqalishi mamlakatga asos solinganidan beri kuzatilayotgan eng buyuk iztirob deb atagan.
Izoh (0)