Қозоғистоннинг Нурсултон шаҳрида 11—13 май кунлари Марказий Осиёда минтақалараро ҳамда халқаро савдони ривожлантиришни қўллаб-қувватлаш бўйича «Миллий йўл хариталаридан минтақавий ислоҳотлар сари» мавзусида минтақавий учрашув бўлиб ўтди. Бу ҳақда Давлат божхона қўмитаси хабар қилди.
Қайд этилишича, унда Қозоғистон, Қирғизистон, Тожикистон, Туркманистон ва Ўзбекистондан вакиллар иштирок этган. Тадбир Ready4Trade Central Asia лойиҳаси асосида Марказий Осиё мамлакатларида трансчегаравий талабларнинг шаффофлигини таъминлаш, тартибга солувчи ва процессуал тўсиқларни бартараф этиш, бизнеснинг савдо расмиятчилигига риоя қилиш салоҳиятини кучайтириш орқали халқаро савдони ривожлантириш ҳамда трансчегаравий электрон тижоратни такомиллаштиришга қаратилган.
Марказий Осиёда бизнес имкониятларини кенгайтириш ва трансчегаравий электрон тижорат орқали ички ва халқаро миқёсда савдони ривожлантириш қаратилган мазкур тадбир интерфаол сессиялар ва мавзули муҳокамаларга бой тарзда ўтган. Учрашувда Давлат божхона қўмитасидан 2 нафар вакил қатнашган.
Мавзуга доир:
- Ўзбекистонда олдиндан буюртма қилинган навбат асосида чегара пунктини тезкор кесиб ўтиш йўлга қўйилиши мумкин
- Ўзбекистонда ички бозорга ноқонуний электротехника кириб келишининг олдини олиш мақсадида эски трансформаторлар импорти тўхтатилади
- Ўзбекистонда 2023 йилдан божхона органи ходимларининг даромадлари ва мол-мулки декларация қилинади
Изоҳ (0)