Хитой денгиз полициясининг тўртта патруль кемаси Шарқий-Хитой денгизининг Япония назорати остидаги Сенкаку ороли яқинидаги сув ҳудудига кирди. Бу ҳақда NHK хабар қилди.
Кемалар Япония ўз сув ҳудуди деб ҳисоблайдиган нуқтада бир неча соатдан бери турибди. Япония соҳил қўриқлаш хизмати ҳудудни тарк этишни талаб қилиб бир нечта огоҳлантириш юборган, лекин бошқа ҳеч қандай ҳаракатлар амалга оширилмаган.
Хитой кемалари охирги ойларда бир неча марта намойишкорона равишда Сенкаку ороллари соҳил ҳудудига кириб, у ерда бир неча соат қолган ва кейин нейтрал сув ҳудудига ўтган. Шу вақтга қадар мазкур ҳаракатлар қуролли тўқнашувларни юзага келтирмаган.
12 майда Токиода Япония – ЕИ саммити ўтказилди, анжуман якунидан кейинги баёнотда Хитой ҳарбийларининг Сенкаку яқинидаги ҳамда Шарқий-Хитой денгизидаги фаоллигидан хавотир ортиб бораётгани қайд этилган. Хитой ТИВ ушбу баёнотга жавобан оролларнинг мамлакатнинг ажралмас қисми эканлигини билдирган.
Мавзуга доир:
- «Тайван Украинанинг ҳаракатлар тактикасини эътиборга олиши лозим» — АҚШ қўмондонлар штаби қўмитаси раҳбари
- Хитой АҚШнинг «нотўғри сигналлари»га жавобан Тайван яқинида ҳарбий машғулотлар ўтказмоқда
- Тайван Мудофаа вазирлиги Хитой ҳарбий ҳаво кучларининг 13 та самолёти оролга юборилганини хабар қилди
- КХДР бир ҳафта ичида иккинчи бор баллистик ракета учирди — ОАВ
Изоҳ (0)