G7 давлатлари Украинага қурол етказиш заруратга кўра ҳали узоқ давом этишини ваъда қилди

«Катта еттилик» (G7) давлатлари Украинага заруратга кўра ҳали узоқ вақт давомида қурол-яроғ етказиб беришади. Бу ҳақда G7 мамлакатларининг ташқи ишлар вазирлари учрашуви ҳақидаги баёнотда маълум қилинган, дейилади Reuters хабарида.

Шунингдек, баёнотда «Катта еттилик» аъзоларининг Россияга нисбатан иқтисодий ҳамда сиёсий босимни давом эттириши таъкидланган.

G7 мамлакатларининг вакиллари Россияга қарши санкциялар кенгайтирилиши, жумладан, мамлакатнинг иқтисодий соҳадаги муҳим йўналишларига нисбатан тақиқлар қўлланишини тасдиқлаган.

G7 мамлакатлари Беларуснинг сиёсатини танқид қилиб, Минскдан Россия зўравонлиги учун шароит яратмасликни сўради. Бундан ташқари улар Хитойни Россия санкцияларни айланиб ўтиши учун ёрдам бермасликка чақирган.

Аввал Берлин Россия энергия ресурсларидан бутунлай воз кечиш режаларини ошкор қилгани, Япония Россия нефтининг импортини камайтириши, лекин «Сахалин-2» дан чиқмаслиги, шунингдек март охирида «Катта еттилик» давлатлари Россия гази учун тўловни рублда тўлашни рад этгани ҳақида хабарлар берилган.