Жиззах вилоятининг Ғаллаорол туманида содир бўлган йўл-транспорт ҳодисаси оқибатида Cobalt автомобили ёниб кетди, деб хабар беради вилоят ФВБ матбуот хизмати.
Маълум қилинишича, 13 май куни соат 05:16 ларда тумандаги 4Р автомобиль йўлининг «Лалмикор» МФЙ ҳудудидан ўтувчи 43-километрида 28 ёшли У.А. бошқарувида бўлган Cobalt бошқарувни йўқотиши оқибатида йўлдан чиқиб кетган ва йўл-транспорт ҳодисасини содир этган. Шундан сўнг, автомобилда ёнғин чиққан.
Ғаллаорол тумани ФВБнинг ёнғин-қутқарув бўлинмаси соат 06:35 да айтилган манзилга етиб борган ва соат 06:38 да ёнғин бартараф этилган.
Ёнғин оқибатида автомобиль ҳайдовчиси елка, ўнг қўл кафти ва юз қисми куйиши тан жароҳати билан шифохонага ётқизилган. Суриштирув ишлари давом этмоқда.
Аввалроқ Наманганда «Жигули», Тошкентда Matiz ёниб кетгани, Нукусда тўхтаб турган Nexia ёнғин чиққани, Сирдарёда юк машинаси билан тўқнашган Cobalt ёниб кетгани тўғрисида хабар берилганди.
Изоҳ (0)