Qoraqalpog‘istonning Nukus shahrida 28-aprel kuni Nexia avtomashinasi yonib ketdi. Bu haqda Yo‘l harakati xavfsizligi xizmati xabar qildi.
Qayd etilishicha, holat shu kuni soat 14:00 larda Nukus shahri X.Abdambetov ko‘chasida sodir bo‘lgan. To‘xtab turgan haydovchi D.A. (1995-yilda tug‘ilgan) boshqaruvida bo‘lgan Nexia avtomobilining salon qismida yong‘in yuzaga kelgan.
Yong‘in o‘t o‘chiruvchilar tomonidan bartaraf etilgan. Hodisa oqibatida tan jarohati olgan fuqarolar yo‘q.
Holat yuzasidan surishtiruv harakatlari olib borilmoqda.