Toshkent shahar Mirzo Ulug‘bek tumanida 10-aprel kuni Mercedes-Benz mashinasida yong‘in sodir bo‘ldi. Bu haqda Favqulodda vaziyatlar vazirligi xabar qildi.
Qayd etilishicha, soat 13:43 da Mustaqillik shohko‘chasida harakatlanib ketayotgan avtomobilda yong‘in sodir bo‘layotgani to‘g‘risida shahar FVBga xabar kelib tushgan. Shunga ko‘ra, 2 ta yong‘in-qutqaruv ekipaji soat 13:49 da yong‘inga yetib borib, holat 13:52 da bartaraf etilgan.
Yong‘inda avtomobilning motor va salon qismi yonib zararlangan. Yong‘in oqibatida tan jarohati olgan va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.