Бугун,

  • USD 11095.31
  • RUB 173.84
  • EUR 10772.44

Президентнинг Афғонистон бўйича махсус вакили Исматулла Иргашев 10 май куни Рим шаҳрида Италия ҳукуматининг Афғонистон ва Яман бўйича махсус вакили Жанфранко Петруцелла билан музокаралар ўтказди. Бу ҳақда Ташқи ишлар вазирлиги хабар қилди.

Фото: Ташқи ишлар вазирлиги

Фото: Ташқи ишлар вазирлиги

Қайд этилишича, суҳбат чоғида Ўзбекистон ва Италиянинг афғон инқирозини тинч йўл билан ҳал этиш борасидаги саъй-ҳаракатлари, ушбу мамлакатга инсонпарварлик ва бошқа ёрдамлар кўрсатиш масалалари муҳокама қилинган.

Петруцелла Ўзбекистоннинг Афғонистон иқтисодиётини тиклаш ва унга инсонпарварлик етказишдаги саъй-ҳаракатларини юқори баҳолаган. Афғонистонда тинчлик ва барқарорликни ўрнатишда Италиянинг Ўзбекистон томони билан бундан кейин ҳам фаол ҳамкорлик қилишга тайёрлигини маълум қилган.

Учрашувда Афғонистондаги мавжуд вазият, мамлакатнинг янги ҳукумати ва гуманитар инқирознинг олдини олишга нисбатан халқаро ҳамжамиятнинг умумий позициясини ишлаб чиқиш юзасидан фикр алмашилган.

Афғонистон масаласи бўйича маслаҳатлашувларни давом эттиришдан Ўзбекистон ва Италиянинг ўзаро манфаатдорлиги билдирилган.

Ўзбекистоннинг Афғонистонга юборган инсонпарварлик ёрдамлари

Ўзбекистон Афғонистонга инсонпарварлик ёрдамини илк бор 2021 йилнинг 14 сентябрь куни юборган. Ун, турли озиқ-овқат маҳсулотлари, бирламчи зарур товарлар, дори-дармонлар, кийим-кечак ва пойабзаллардан иборат 1300 тонна оғирликдаги ёрдам бутун мамлакат бўйлаб кам таъминланган афғон оилаларига тарқатилган. Декабрь ойида эса Ўзбекистоннинг Афғонистонга юборган навбатдаги инсонпарварлик ёрдамини топшириш маросими бўлиб ўтган. Унда Ўзбекистон президентининг Афғонистон бўйича махсус вакили Исматулла Иргашев ҳамда Сурхондарё вилояти ҳокими Тўра Боболов бошчилигидаги мамлакат расмийлари иштирок этганди. Рамазон муносабати билан 30 апрель куни Ўзбекистон афғон халқига навбатдаги инсонпарварлик ёрдамини жўнатди. 58 та вагондан иборат ёрдамнинг асосий қисмини ун ва буғдой ташкил қилади.

Изоҳ
Asosiy yangiliklar
Дунё
Рамзан Қодировни танқид қилган чеченистонлик блогер ўлдириб кетилди
Маҳаллий
Ўзбекистонда талабалар учун қишки таътил муддати белгиланди
Маҳаллий
Ўзбекистонда сўнгги суткада 153 кишида коронавирус аниқланди