Шавкат Мирзиёев 11 май куни ўтказилган ғаллачилик ислоҳотларига бағишланган йиғилишда буғдой ва ғаллани биржада сотиш масалаларига тўхталди. Бу ҳақда президент матбуот котиби хабар қилди.
«Барча ҳокимлар бир нарсани аниқ тушуниб олиши зарур. Нима учун биз фермерни биржага олиб чиқяпмиз? Фермер биржага чиқиб, ўзи ғалласини мустақил соца, унинг даромади ошади, ўз меҳнати натижасидан рози бўлади. Келгусида давлат захирасига харид қилинадиган ғалла ҳам фақат биржадан сотиб олинади», — дейди президент йиғилишда.
Мутасаддиларга икки ҳафта муддатда буғдой етиштирувчи фермер ва кластерларни биржадан рўйхатдан ўтказиш ҳамда брокерларни бириктириб, ўқитишни ташкил қилиш топширилган. Бунда фермерлар 2022 йил буғдой ҳосили учун биржа тўловларидан озод қилинади.
Жорий йил жами ғалла ҳосили учун 7,6 триллион сўм ажратилади. Янги тизимни тўлақонли, адолатли ва очиқ-ошкора ишлаб кетиши, ҳар бир сўм фермер ва кластерга ўз вақтида, тўлиқ етиб бориши, нарх-навони ўсиши ва тақчилликни олдини олиш бўйича кунбай назорат тизими жорий қилинади. Бунинг учун бош прокурор бошчилигида Республика штаби ташкил этилади. Ҳудудий штабларга вилоят ҳокимлари ва прокурорлари раҳбарлик қилади.
Мавзуга доир:
- «Нарх-наво барқарорлигини таъминлашнинг ягона тўғри йўли — бу фермерлар манфаатдорлигини таъминлаш» — Шавкат Мирзиёев
- Шавкат Мирзиёев раислигида ўтаётган йиғилишда давлат дон корхоналарида талон-торож қилиш ҳолатлари борлиги танқид қилинди
- Ўзбекистонда 1 июндан бошлаб ғаллани давлат томонидан сотиб олиш ва сотишда бозор нархларига ўтилади
Изоҳ (0)