«Ливерпуль» бош мураббийи Юрген Клопп Чемпионлар Лигасида рекорд натижани такрорлади.
Немис мутахассиси фаолияти давомида тўртинчи марта ЕЧЛ финалига чиқди ва бу борада Марчелло Липпи, Алекс Фергюсон ва Карло Анчелоттининг рекордини такрорлади.
Марчелло Липпи «Ювентус» билан бирга кетма-кет 1996—1998 йиллар, шунингдек, 2003 йилда финалга чиққан. Алекс Фергюсон эса «Манчестер Юнайтед»ни 1999, 2008, 2009 ва 2011 йилларда Чемпионлар Лигаси финалига қадар олиб борган.
Италиялик Карло Анчелотти «Милан» билан 2003, 2005 ва 2007 йиллар мусобақа финалига чиққан бўлса, 2014 йилда «Реал» билан бу вазифани уддалаган. Агар «Реал» ярим финалда «Манчестер Сити» тўсиғидан ўта олса, италиялик мутахассис бу борада мутлақ рекордчига айланади.
Юрген Клопп «Боруссия Д» бош мураббийи сифатида 2013 йил финалга чиққан эди. «Ливерпуль» билан эса 2018, 2019 ва 2022 йилларда бу натижани такрорлади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)