Lifehacker нашри тақдим этган барчанинг севимли ширинлиги — наполеоннинг шоколадли версияси ҳар қандай вазият учун мукаммал танловдир.
Керакли маҳсулотлар:
Хамир учун:
- сув — 170 мл;
- тухум — 1 дона;
- сирка 9 фоизли — 2 чой қошиқ;
- туз — бир чимдим;
- ун — 400 грамм;
- какао кукуни — 4 ош қошиқ;
- сариёғ — 250 грамм;
- тухум — 4 дона;
- шакар — 450 грамм;
- ваниль — 2 чой қошиқ;
- ун — 2 ош қошиқ;
- какао кукуни — 2 ош қошиқ;
- сут — 700 мл;
- қора шоколад — 100 грамм;
- сариёғ — 400 грамм.
- Сув, тухум, сирка ва туз яхшилаб кўпиртирилади.
- Ун элакдан ўтказилади ва какао билан аралаштирилади. Сариёғ қирғичдан ўтказилади ва ун билан аста-секин аралаштирилади.
- Суюқ маҳсулотлар ун массасига қўшилади ва хамир қорилади.
- Хамир силлиқ бўлиши шарт эмас, бир соатга музлаткичга қўйилади.
- Крем учун тухум шакар билан яхшилаб кўпиртирилади. Ун ва какао қўшиб, яна кўпиртирилади.
- Илитилган сут аралашмага қўшилади ва паст оловда қуюқлашгунча 5-7 дақиқа давомида қайнатилади.
- Шоколад майда тўғралади, оловдаги крем олиниб, шоколад билан аралаштирилади. Массанинг усти ёпилиб, салқин жойга қўйилади.
- Печ олдиндан 190 даражада қиздирилади.
- Хамир 7-8 қисмга бўлинади. Ҳар бир қисм думалоқ шаклда ёйилиб санчқи билан тешилади.
- Хамирлар 12-15 дақиқа давомида печда пишириб олинади.
- Пишган хамирлар диаметри 25-30 сантиметр ўлчамда кесиб олинади ва ошган қисми алоҳида олинади.
- Сариёғ яхшилаб миксер қилинади ва совитилган крем қўшилади, силлиқ бўлгунча аралаштирилади.
- Совиган хамирларнинг ҳар бирига крем суртилади ва устма-уст териб чиқилади. Хамирнинг ошган увоқлари ширинлик устидан сепилади ва 10-12 соатга музлаткичга қўйилади.
Изоҳ (0)