Tayyorlanishi oson bo‘lgan kokosli keks retsepti

Kokosli kekslarni tayyorlash juda oson. Shunchaki barcha masalliq aralashtiriladi va pechga pishirish uchun qo‘yiladi.

Kerakli mahsulotlar:

• o‘simlik yog‘i — 60 ml;
• un — 250 gramm;
• shakar — 200 gramm;
• qabartma — 2 choy qoshiq;
• tuz — 1 choy qoshiq;
• sut — 180 ml;
• tuxum — 2 dona;
• vanil — 1 choy qoshiq;
• kokos qirindisi — 100 gramm va sepish uchun.

Tayyorlanish jarayoni:

1. Pech 190 darajada oldindan qizdiriladi. 12-15 ta keks qolipi yog‘lanadi.
2. Un elakdan o‘tkazilib, shakar, qabartma va tuz bilan aralashtiriladi.
3. So‘ngra sut, tuxum, sariyog‘ va vanil solinadi.
4. Xamir silliq bo‘lguncha yaxshilab aralashtiriladi. Oxirida kokos qirindisi qo‘shiladi.
5. Qolipning 3/4 qismi xamir bilan to‘ldiriladi. 15-20 daqiqaga pechga qo‘yiladi.

Yoqimli ishtaha! Mavzuga doir:

• Sevimli shirinlik — murabboli rogalik retsepti
• Bor-yo‘g‘i 30 daqiqada tayyor bo‘ladigan mazali pechenye reptsepti
• Atigi 7 daqiqada krujka ichiga solib pishiriladigan keks retsepti
• Pechenye hamda manniy yormasidan tayyorlanadigan noodatiy tort retsepti