Тоффи соуси ширинликлар учун айни муддао. Marie Claire нашри унинг ёрдамида тайёрланадиган ширинлик рецептини тақдим этди. Пазанда бекажонлар ифторлик ёки ҳар қандай байрам дастурхони учун ушбу рецептдан барчага манзур келувчи десерт тайёрлаши мумкин.
Керакли маҳсулотлар:
Пудинг учун:
- сариёғ — 165 грамм;
- шакар — 440 грамм;
- туз — 5 грамм;
- ваниль — 15 грамм;
- тухум — 3 дона;
- ун — 500 грамм;
- қабартма — 14 грамм;
- хурмо — 325 грамм;
- сув — 700 мл;
- истеъмол содаси — 14 грамм;
- жигарранг шакар — 750 грамм;
- қаймоқ — 450 мл;
- туз — 6 грамм;
- ваниль — 25 грамм;
- сариёғ — 420 грамм.
- Шакар ва қаймоқ 5 дақиқа қайнатиб олинади. Устидан туз ва ваниль солинади. Масса оловдан олиниб, бироз совитилади. Сўнгра сариёғ қўшилади. Тайёр бўлган соус музлаткичга қўйилади.
- Хурмога сув қўшиб, блендерда майдаланади. Сўнгра бироз қайнатилади. Масса қайнашига яқин истеъмол содаси қўшилади ва 1-2 дақиқа аралаштирилиб, оловдан олинади.
- Хамир учун сариёғ, ваниль, шакар ва туз миксерда аралаштирилади. Оз-оздан тухум ва қабартма қўшилади. Совитилган хурмо ҳам қўшилиб, яхшилаб аралаштирилади.
- Пудинг хамири 90 граммли қолипларга қуйилади ва 15 дақиқа давомида 180 даража печда пиширилади.
- Тоффи соуси иссиқ пудинг устига қуйилади ва бир кечага совитишга қўйилади.
Изоҳ (0)