Оддий ҳамда мазали: лаваш хамиридан тайёрланадиган 4 хил егулик рецепти

Қисқа вақт ичида таом тайёрлаш керак бўлганда, албатта, лаваш хамири ёрдамга келади. Ичига творог ва кўкатлар солиб, пишириладиган рулетлар эса барчага манзур келиши шубҳасиз. «Домашний очаг» нашри пазанда бекажонлар учун лаваш хамиридан тайёрлаш мумкин бўлган 4 хил рецептни тақдим этди.

Мол гўштили нонлар: Тако рецепти

Мексикада лаваш хамири ўрнига пита нони истеъмол қилинади. Лекин улар таъм жиҳатидан фарқ қилмайди.

Керакли маҳсулотлар:

• мол гўшти — 700 грамм;
• кетчуп — 1 ош қошиқ;
• хантал — 3 ош қошиқ;
• бальзамик сирка — 3 ош қошиқ;
• саримсоқ — 3 дона;
• лаваш хамири, барбекю зираворлар аралашмаси.

1. Мол гўштидан ташқари барча маҳсулотлар идишга солиб аралаштирилади.
2. Сўнгра товага солиниб, устидан гўшт қўшилади.
3. Таом паст оловда 8 соат давомида пиширилади.
4. Гўштлар яна алоҳида олиниб, бўлакларга бўлиниб, яна товага солинади.
5. Сўнгра лаваш хамири устида бир бўлак гўшт, кўкат, редиска солиб, дастурхонга тортилади.

Керакли маҳсулотлар:

• қийма — 600 грамм;
• лаваш хамири — 2 дона;
• тухум — 4 дона;
• пиёз — 1 дона;
• картошка — 3 дона;
• булғори қалампири — 2 дона;
• сариёғ — 1 ош қошиқ;
• сметана — 3 ош қошиқ;
• томат пастаси — 2 ош қошиқ;
• кўкат ва зираворлар.

1. Картошка қирғичдан ўтказилади. Пиёз майда тўғралиб, қовурилади.
2. 1 дона тухум, пиёз, картошка, кўкат ва қийма зираворлар билан аралаштирилади.
3. Булғори қалампири уруғидан тозаланиб, сомонча шаклида тўғралади.
4. 3 дона тухум кўпиртирилиб, томат пастаси, сметана, туз ва зираворлар қўшилади.
5. Лаваш хамири ёйилади ва устига аввал булғори қалампири ва қиймали начинка солинади. Лаваш хамири рулет шаклида ўралади. Сўнгра устидан тухумли аралашма қуйилади.
6. Мултиварканинг буғда пишириладиган қолипига сариёғ солинади, пирог жойлаштирилади ва 1 соат давомида пиширилади.
7. Гўштли пирог тайёр бўлгач, совитиш учун қўйилади.

Керакли маҳсулотлар:

• товуқ филеси — 400 грамм;
• қизил булғори қалампири — 1 дона;
• яшил булғори қалампири — 1 дона;
• пиёз — 1-2 дона;
• сметана — 250 грамм;
• саримсоқ — 3 дона;
• сариёғ — 50 грамм;
• туз ва зираворлар.

1. Пиёз, булғори қалампири майда тўғралади. Товуқ ҳам кичик бўлакларга бўлиниб, ҳаммаси биргаликда қовурилади.
2. Лаваш хамири учбурчак шаклда тўрт қисмга бўлинади. Ичига начинка солиниб, рулет шаклида ўралади.
3. Сўнгра 10-15 дақиқа давомида 180-200 даража печда пиширилади.
4. Саримсоқ майдаланиб, сметана билан аралаштирилади.
5. Паприка ёғда қовурилади ва соус устига қуйилади.
6. Лаваш-кабоблар соус билан биргаликда дастурхонга тортилади.

Керакли маҳсулотлар:

• помидор — 2 дона;
• авокадо — 1 дона;
• лаваш хамири — 2 дона;
• қўзиқорин — 2 дона;
• зайтун ёғи — 2 ош қошиқ;
• қаттиқ пишлоқ — 170 грамм;
• исмалоқ — 1 пакет;
• сметана, туз ва зираворлар.

1. Помидор, авокадо ва 1 ош қошиқ лимон шарбати аралаштирилади. Туз ва зираворлар сепилади.
2. Лаваш хамири ёйилиб, бир хил думалоқ шаклда кесиб олинади. Аввал қирғичдан ўтказилган пишлоқ сепилади ва устидан исмалоқ солинади.
3. Қўзиқорин бўлакларга бўлиниб, ёғда қовуриб олинади ва исмалоқ устидан қўйилиб, яна пишлоқ сепилади.
4. Сўнгра хамир начинка устига ёпилади. Печнинг грилл қисмида қизаргунча пиширилади.
5. Дастурхонга соус ҳамда помидорли салат билан биргаликда тортилади.