Ифторлик учун мазали ширинлик — творогли рогалик тайёрлаб кўринг

Lifehacker тақдим этган янги рецепт бўйича рогаликлар хамири юмшоқ бўлиб пишади. Таъбга кўра начинка сифатида мураббо қўшиш ҳам мумкин.

Керакли маҳсулотлар:

• творог — 200 грамм;
• сариёғ — 80 грамм;
• ун — 140 грамм;
• қабартма — 1 чой қошиқ;
• шакар — 50 грамм;
• туз — 1 чимдим.

1. Творог эритилган сариёғ билан аралаштирилади.
2. Ун элакдан ўтказилиб, қабартма ва туз билан аралаштирилади. Сўнгра иккита масса қўшилиб, юмшоқ хамир қорилади.
3. Хамир думалоқ шаклда ёйилиб, юзасига шакар сепилади.
4. Пичоқ ёрдамида хамир тўртга бўлинади ва ҳар бир қисм яна учбурчак шаклда 4-5 қисмга бўлинади.
5. Ҳар бир қисм учбурчакнинг кенг томонидан учига қараб рулет шаклида ўралади.
6. Печ олдиндан 180 даражада қиздирилади ва листга пишириқ варағи солинади.
7. Ширинликлар 15-20 дақиқа давомида қизаргунга қадар пиширилади.