Товуқ ва қўзиқоринли жюлен рецепти

Lifehacker нашри тақдим этган навбатдаги рецепт жуда ажойиб: қўзиқорин, қаймоқли соус, пишлоқ ва товуқ филеси билан уйғунликдаги янги таъмдан баҳраманд бўлинг.

Керакли маҳсулотлар:

• товуқ филеси — 600 грамм;
• қўзиқорин — 500 грамм;
• пиёз — 1-2 дона;
• ўсимлик ёғи — 2 ош қошиқ;
• ун — 2 ош қошиқ;
• сариёғ — 80 грамм;
• қаймоқ — 500 мл;
• пишлоқ — 250-300 грамм;
• туз ва зираворлар.

1. Товуқ гўшти тузли сувда тахминан 20-30 дақиқа қайнатиб олинади. Сўнгра кичик бўлакларга бўлинади.
2. Қўзиқоринлар майда, пиёз эса паррак қилиб тўғралади.
3. Ўсимлик ёғи товада қиздирилиб, пиёз 3-4 дақиқа давомида қизартирмасдан қовурилади.
4. Устидан қўзиқорин қўшилади ва 5-7 дақиқа давомида пиширилади.
5. Туз ва зираворлар қўшилиб, аралаштирилади.
6. Товада ун алоҳида қовурилади ва сариёғ билан аралаштирилади. Устидан қаймоқ қўшилади ва қуюқлашгунча 5-7 дақиқа давомида пиширилади. Яна бироз туз ва зираворлар қўшилади.
7. Товуқ филеси, қўзиқорин ва пиёз қолипга солиб, аралаштирилади. Устидан қаймоқли соус қуйилади ва қирғичдан ўтказилган пишлоқ сепилади.
8. Тахминан 20-25 дақиқа давомида 180 даража печда пиширилади.