Халқ депутатлари Тўрақўрғон туман кенгашининг навбатдан ташқари сессияси бўлиб ўтди. Бу ҳақда «Дарё» мухбири Азизбек Абдувалиев хабар бермоқда.
Сессияда ташкилий масала кўрилди. Вилоят ҳокими Шавкат Абдураззақов туман ҳокимлигига шу пайтга қадар Наманган вилоят ҳокимининг ўринбосари — Маҳалла ва оилани қўллаб-қувватлаш бошқармаси бошлиғи вазифасида ишлаб келган Аҳрор Мансуров номзодини таклиф этди.
Аҳрор Мансуров 1988 йилда Наманган вилоятининг Мингбулоқ туманида туғилган. Маълумоти олий, 2013 йилда Тошкент давлат юридик институтини тамомлаган.
Меҳнат фаолиятини 2013 йили Мингбулоқ туман давлат нотариал идораси нотариус ёрдамчиси сифатида бошлаган. 2014—2016 йилларда Наманган вилоят адлия бошқармасида, 2016—2019 йилларда Наманган вилояти ҳокимлигининг Ахборот-таҳлил гуруҳида, 2019—2021 йилларда Президент Администрациясида турли вазифаларда фаолият юритган.
У 2021 йил декабридан бери Наманган вилоят ҳокимининг ўринбосари—Маҳалла ва оилани қўллаб-қувватлаш бошқармаси бошлиғи лавозимида ишлаб келаётганди.
Депутатлар таклиф этилган номзодни қўллаб-қувватлади. Аҳрор Мансуров Тўрақўрғон тумани ҳокими этиб тасдиқландаи.
Эслатиб ўтамиз, Тўрақўрғон туманининг собиқ ҳокими Зулайҳо Маҳкамова олдинроқ Бош вазир ўринбосари — Оила ва хотин-қизлар давлат қўмитаси раиси этиб тайинланганди.
Изоҳ (0)